GettyImages
Is é an cuspóir atá ann spás sonraí slán iontaofa a fhorbairt ionas go mbeidh an earnáil talmhaíochta in ann sonraí a chomhroinnt agus a rochtain ar bhealach trédhearcach, rud a chumasóidh méadú ar a feidhmíocht eacnamaíoch agus chomhshaoil. Meastar go n-éascóidh an spás sonraí comhroinnt, próiseáil agus anailísiú sonraí táirgthe, sonraí oscailte agus sonraí poiblí eile. Le sonraí táirgthe arna bhforlíonadh ag sonraí atá i seilbh phoiblí, cuirfear deiseanna nua ar fáil chun faireachán a dhéanamh ar úsáid acmhainní nádúrtha agus chun an úsáid sin a bharrfheabhsú agus rannchuideoidh siad le cuspóirí an Chomhaontaithe Ghlais agus an Chomhbheartais Talmhaíochta a bhaint amach.
Seoladh réamhbheart don spás sonraí don talmhaíocht faoin gClár don Eoraip Dhigiteach (DIGITAL) an 17 Samhain 2021. Cuirfear an méid sin chun feidhme trí Ghníomhaíocht Comhordúcháin agus Tacaíochta (CSA) lena bhféachfar ar na roghanna agus na cineálacha cur chuige coincheapúla a d’fhéadfadh a bheith ann chun an spás sonraí sin a úsáid amach anseo, ina mbeidh páirtithe leasmhara agus na Ballstáit rannpháirteach.
Sa seisiún faisnéise sin a d’eagraigh an Coimisiún, eadhon Ard-Stiúrthóireacht na Líonraí Cumarsáide, an Ábhair Dhigitigh agus na Teicneolaíochta (AS CONNECT) agus Ard-Stiúrthóireacht na Talmhaíochta agus na Forbartha Tuaithe (AS AGRI), tugadh sonraí faoin réamhbheart a seoladh i nGlao DDIGITAL 1, an chéad ghlao faoin gcéad Chlár Oibre den Chlár don Eoraip Dhigiteach, a osclaíodh an 17 Samhain 2021. Thug an seisiún deis, mar shampla, ceisteanna clár-teicniúla, amhail incháilitheacht, nó gnéithe a bhaineann le raon feidhme féideartha na gníomhaíochta a phlé. Thairis sin, thug an seisiún deis do chomhpháirtithe féideartha cuibhreannais a mheaitseáil.
Bhí an ócáid ar siúl ar an 2 Nollaig ó 9:30-12:00. Tá tuilleadh sonraí faoin gceardlann ar fáil tar éis sheoladh an ghlao DIGITAL ón 17 Samhain 2021 ar an tairseach tairiscintí. Léigh tuilleadh faoin gClár Oibre anseo.