Is é is aidhm don Phacáiste Nuálaíochta maidir leis an Intleacht Shaorga tacú le gnólachtaí nuathionscanta agus FBManna Eorpacha Intleacht Shaorga (IS) iontaofa a fhorbairt lena n-urramaítear luachanna agus rialacha an Aontais.
Cuirtear chun cinn sa Phacáiste Nuálaíochta IS raon leathan beart chun tacú le gnólachtaí nuathionscanta agus nuálaíocht IS, lena n-áirítear togra chun rochtain phribhléideach ar shár-ríomhairí a chur ar fáil do ghnólachtaí nuathionscanta IS agus don phobal nuálaíochta i gcoitinne, agus cinneadh chun Oifig IS a bhunú.
Pacáiste Nuálaíochta na hIntleachta Saorga
- GenAI4EU
- Oifig IS
- Teachtaireacht maidir le Gnólachtaí Nuathionscanta agus Nuálaíocht na hIntleachta Saorga
- Monarchana IS
- ALT-EDIC
- CitiVERSE EDIC
Leagtar amach sa Teachtaireacht maidir le Gnólachtaí Nuathionscanta agus Nuálaíocht IS na príomhghníomhaíochtaí
- Tacaíocht airgeadais tríd an gclár Fís Eorpach agus tríd an gclár don Eoraip Dhigiteach atá tiomnaithe don intleacht shaorga ghiniúnach. Thart ar €4 bhilliún d’infheistíocht phoiblí agus phríobháideach go dtí 2027;
- Díorma tallainne giniúnach IS an Aontais a neartú;
- Infheistíochtaí poiblí agus príobháideacha i ngnólachtaí nuathionscanta agus i ngnólachtaí atá ag méadú IS a spreagadh a thuilleadh, lena n-áirítear trí chaipiteal fiontair nó tacaíocht chothromais;
- Dlús a chur le forbairt agus le húsáid Spásanna Coiteanna Sonraí Eorpacha.
Oifig IS
Tacóidh an Oifig Eorpach um Intleacht Shaorga le forbairt agus úsáid na hintleachta saorga iontaofa, agus san am céanna tabharfaidh sí cosaint ar rioscaí a bhaineann leis an intleacht shaorga. Bunaíodh an Oifig um Intleacht Shaorga laistigh den Choimisiún Eorpach mar lárionad saineolais maidir leis an intleacht shaorga agus is í is bonn le córas rialachais aonair Eorpach maidir leis an intleacht shaorga.
Monarchana IS
Acmhainneacht sár-ríomhaireachta an Chomhghnóthais Ríomhaireachta Ardfheidhmíochta Eorpaigh a ghiaráil chun samhlacha intleachta saorga giniúnacha ceannródaíocha iontaofa a fhorbairt.
GenAI4EU
Rannchuidiú le forbairt cásanna úsáide nua agus feidhmeanna atá ag teacht chun cinn i 14 éiceachóras thionsclaíocha na hEorpa, chomh maith leis an earnáil phoiblí. I measc na réimsí cur i bhfeidhm tá róbataic, sláinte, biteicneolaíocht, monaraíocht, soghluaisteacht, aeráid agus domhain fhíorúla.
Tacú leis na Ballstáit an méid seo a leanas a chruthú:
ALT EDIC
Is é is aidhm don Chomhghuaillíocht um Theicneolaíochtaí Teanga (ALT-EDIC) bonneagar coiteann Eorpach a fhorbairt i dteicneolaíochtaí teanga chun aghaidh a thabhairt ar an nganntanas sonraí i dteangacha Eorpacha chun réitigh intleachta saorga a oiliúint, chomh maith le héagsúlacht teanga agus saibhreas cultúrtha na hEorpa a chaomhnú. Tacóidh sé sin le samhlacha teanga móra Eorpacha a fhorbairt.
‘CitiVERSE’ EDIC
Cuirfidh CitiVERSE EDIC uirlisí IS úrscothacha i bhfeidhm chun Leathchúplaí Digiteacha Áitiúla do Phobail Chliste a fhorbairt agus a fheabhsú, rud a chuideoidh le cathracha próisis a ionsamhlú agus a bharrfheabhsú, ó bhainistiú tráchta go bainistiú dramhaíola.
Ábhar Gaolmhar
Le cur chuige an Aontais i leith na hintleachta saorga, cuirtear barr feabhais agus muinín chun cinn...