Tuarascáil Tíre na Beilge 2024 maidir leis an Deacáid Dhigiteach

Dhá phríomhláidreacht nó réimsí dul chun cinn

Digitiú FBManna agus glacadh ardteicneolaíochtaí digiteacha ag fiontair

Tá bunleibhéal déine digití ar a laghad ag 74.5 % de FBManna na Beilge, leibhéal atá os cionn mheán an Aontais de 57.7 %. Tá dul chun cinn maith á dhéanamh ag fiontair freisin maidir leis an digitiú, le húsáid láidir néalríomhaireachta (47.7 % d’fhiontair, os cionn mheán 38.9 % an Aontais) agus anailísíocht sonraí (44.5 % d’fhiontair, os cionn mheán 33.2 % an Aontais), agus glacadh an-láidir na hIntleachta Saorga (11.8 % i gcoinne mheán 8 % an Aontais).

Seirbhísí poiblí a dhigitiú

Tá an Bheilg ar thús cadhnaíochta maidir le príomhsheirbhísí poiblí digiteacha a sholáthar do shaoránaigh (á scóráil 82.3 as 100 in aghaidh mheán an Aontais de 79.4) agus do ghnólachtaí (á scóráil 91.6 as 100 in aghaidh mheán an Aontais de 85.4). 

Dhá phríomhlaigí nó réimsí le feabhsú

Bonneagar nascachta

In ainneoin go bhfuil an Bheilg ar thús cadhnaíochta maidir le cumhdach gigighiotáin le haghaidh Líonraí Fíor-Ardacmhainneachta Seasta (VHCN), agus 96 % de theaghlaigh cumhdaithe, tá an Bheilg fós i bhfad faoi bhun mheán an Aontais maidir le céatadán na dteaghlach a chumhdaítear le cumhdach Snáithín go hÁitreabh (FTTP) (25 % i gcomparáid le meán an Aontais de bheagnach 64 %) agus 5G (40.4 % i gcomparáid le meán an Aontais de 89.3 %). 

Speisialtóirí TFC

B’ionann speisialtóirí TFC agus 5,4 % de dhaonra na Beilge a bhí fostaithe in 2023, rud atá níos airde ná meán 4,8 % an Aontais. Mar sin féin, ní raibh ach 3 % den daonra sa Bheilg ina mic léinn TFC in 2022, céatadán beagán níos airde ná mar a bhí in 2021 ach fós faoi bhun mheán 4.5 % an Aontais. Tá an tír fós thíos le ganntanas lucht saothair i ngairmeacha teicniúla. Thairis sin, bhí an sciar ab ísle de chéimithe oideachais threasaigh ar mná iad in ETIM ag an mBeilg in 2021, le 24.4 % i gcomparáid le meán an Aontais de 32.8 %.

Treochlár straitéiseach na Beilge maidir leis an Deacáid Dhigiteach

Léirítear i dtreochlár na Beilge go measann an tír go bhfuil a claochlú digiteach tábhachtach, agus go ndéanann sí roinnt iarrachta chun na cuspóirí agus na spriocanna don Deacáid Dhigiteach a bhaint amach. Leagtar síos ann spriocanna le haghaidh 12 as 14 eochairtháscaire feidhmíochta (KPInna), atá ailínithe go ginearálta le huaillmhianta 2030 an Aontais, seachas an sprioc maidir le Snáithín go dtí an tÁitreabh (FTTP). Chun a claochlú digiteach a bhaint amach, tá sé beartaithe ag an mBeilg buiséad iomlán a leithdháileadh (gan infheistíochtaí príobháideacha a áireamh) a mheastar a bheith cothrom le EUR 892 mhilliún (0,2 % OTI). 

Cearta agus prionsabail dhigiteacha

Cuirtear i dtábhacht san Eorabharaiméadar Speisialta ‘Deich mBliana Digiteacha 2024’ go gcreideann 51 % de mhuintir na Beilge go gcosnaíonn an tAontas a gcearta digiteacha, agus laghdú 5 % ann i gcomparáid le 2023, ach os cionn mheán an Aontais. Tá muinín ag 66 % de fhreagróirí na Beilge as príobháideachas ar líne, agus is mór ag 70 % díobh saoirse comhlachais ar líne, i bhfad os cionn mheán an Aontais. Mar sin féin, tá imní ag dul i méid maidir le sábháilteacht ar líne leanaí (48%) agus maidir le smacht ar shonraí pearsanta (42%). Leagtar béim sna torthaí sin ar an ngá atá le cearta digiteacha a threisiú ar an leibhéal náisiúnta.
 

Moltaí a bhaineann go sonrach le tír faoi leith

Ní mór don Bheilg feabhas a chur ar a feidhmíocht i dtreo spriocanna agus cuspóirí na Deacáide Digití, chun iomaíochas, athléimneacht agus ceannasacht a chothú, agus chun luachanna Eorpacha agus gníomhú ar son na haeráide a chur chun cinn. 

Chun tuilleadh faisnéise agus liosta iomlán na moltaí a fháil, féach an tuarascáil.