Fánaíocht: Ceisteanna &ampa; Freagraí

Is éard isfánaíocht ann nuair a úsáideann tú d’fhón póca nó do tháibléad agus tú ag taisteal ó am go chéile lasmuigh den tír ina bhfuil cónaí ort nó ina bhfuil naisc chobhsaí agat i.e. go n-oibríonn tú nó go ndéanann tú staidéar ann. Fad a chaitheann tú níos mó ama sa bhaile ná thar lear, nó fad a úsáideann tú do chárta SIM níos mó sa bhaile ná thar lear, baineann tú tairbhe as fánaíocht ar tháille baile. Dá bhrí sin, ní ghearrfar níos mó ort ná an méid a íocann tú sa bhaile de ghnáth as do ghlaonna, do théacsanna agus d’úsáid sonraí san Aontas. Bunaíodh an córas Fánaíochta ar Tháille Baile atá ann faoi láthair in 2017 agus leis an Rialachán nua cuirtear síneadh leis agus cuirtear feabhas air.

Má tá FATB agat cheana féin nó más custaiméir nua thú, ní gá duit aon rud a chur ar bun. Leanann d’oibreoir de mhuirir intíre a chur i bhfeidhm go huathoibríoch nuair a bhíonn tú ag fánaíocht ar an gcoigríoch

Tá. Nuair a dhéanann tú glao gutháin, nuair a sheolann tú teachtaireachtaí SMS, nó nuair a úsáideann tú sonraí ó thír eile san Aontas, gearrfar táille ort nó bainfear iad as méideanna do phlean taraife náisiúnta díreach amhail is dá mbeifeá sa bhaile (sa tír ina bhfuil cónaí ort, ina n-oibríonn tú nó ina ndéanann tú staidéar). Ní gá duit aon rud breise a íoc. Is cuma má úsáideann tú d’fhón póca agus tú thar lear go tréimhsiúil san Aontas nó sa tír ina bhfuil cónaí ort, beidh tú ag Fánaíocht ar Tháille Baile. Tá síneadh curtha leis na rialacha Fánaíochta ar tháillí baile go dtí 2032.

Is éFánaíocht ar Tháille Baile an taraif fánaíochta réamhshocraithe ar gach plean lena n-áirítear fánaíocht.  Más mian leat plean taraife nua a cheannach lena n-áirítear fánaíocht, cuirfidh d’oibreoir an plean taraife sin i láthair duit le Fánaíocht ar Tháille Baile mar réamhshocrú. Má tá Fánaíocht ar Tháille Baile agat cheana féin, coinneoidh tú é.

Má tá glaonna agus SMS neamhtheoranta agat sa bhaile, gheobhaidh tú glaonna agus SMS neamhtheoranta agus tú ag fánaíocht san Aontas. Má tá sonraí móibíleacha neamhtheoranta nó sonraí móibíleacha an-saor agat sa bhaile, féadfaidh d’oibreoir teorainn choimirce (úsáid chóir) a chur i bhfeidhm ar úsáid sonraí agus tú ag fánaíocht. Más amhlaidh an cás, beidh ar an oibreoir tú a chur ar an eolas roimh ré faoi theorainn den sórt sin agus ní mór dó tú a chur ar an eolas má shroicheann tú í. Beidh an teorainn choimirce sin ard go leor chun an chuid is mó de do riachtanais fánaíochta, nó iad go léir, a chumhdach. Thar an tairseach sin, is féidir leat leanúint den fhánaíocht sonraí, faoi réir muirear beag, a bhfuil uasteorainn EUR 2/GB leis ón 1 Iúil 2022 ar aghaidh agus a laghdóidh de réir a chéile go EUR 1 in 2027.

Is féidir leat Fánaíocht ar Tháille Baile a dhéanamh aon uair a bheidh tú ag taisteal i dtír eile san Aontas nach í an tír ina bhfuil cónaí ort (do bhaile éifeachtach). Má aistríonn tú chuig Ballstát eile agus má bhunaíonn tú áit chónaithe bhuan i mBallstát eile, b’fhéidir nach mbeidh tú in ann tairbhe a bhaint as tairiscintí Fánaíochta ar Tháille Baile ó oibreoir sa tír as ar tháinig tú. Mar sin féin, beidh tú in ann Fánaíocht ar Tháille Baile a dhéanamh le síntiús móibíleach de do thír chónaithe nua agus tú ag taisteal thar lear san Aontas.

Tá an Córas Fánaíochta ar Tháille Baile ar fáil sna 27 mBallstát uile: An Bheilg, an Bhulgáir, an Chipir, an Chróit, an Danmhairg, an Eastóin, Éire, an Fhionlainn, an Fhrainc, an Ghearmáin, an Ghréig, an Iodáil, an Ísiltír, an Laitvia, an Liotuáin, Lucsamburg, Málta, an Ostair, Poblacht na Seice, an Pholainn, an Phortaingéil, an Rómáin, an tSlóivéin, an tSlóvaic, an Spáinn, an tSualainn, an Ungáir. 

Tá an Córas Fánaíochta ar Tháille Baile ar fáil freisin i dtíortha an Limistéir Eorpaigh Eacnamaíoch: An Íoslainn, Lichtinstéin, an Iorua.

Ní chumhdaítear tíortha lasmuigh den Aontas/LEE le Fánaíocht ar Tháille Baile, ach roghnaíonn go leor oibreoirí na tairiscintí sin a leathnú chuig tríú tíortha freisin.

Ó d’fhág an Ríocht Aontaithe an tAontas Eorpach, níl feidhm ag an gcóras Fánaíochta ar Tháille Baile maidir le taisteal chuig an Ríocht Aontaithe. Cé gur roghnaigh roinnt oibreoirí fánaíocht ar tháille baile a leathnú chuig an Ríocht Aontaithe, ní oibleagáid é sin. Moltar duit na táillí fánaíochta ábhartha a sheiceáil le d’oibreoir féin agus tú ag taisteal chuig an Ríocht Aontaithe.

Ba cheartduit an plean fánaíochta lenar shuibscríobh tú agus aon srianta is infheidhme a sheiceáil le d’oibreoir. Má tá tú suibscríofa le conradh agus má roghnaigh tú an rogha réamhshocraithe Fánaíochta ar Tháille Baile, is féidir leat aon táillí breise a chonspóid le d’oibreoir, ar cheart nós imeachta gearán a bheith i bhfeidhm aige. Má leanann an t-oibreoir ar aghaidh, ba cheart duit an comhlacht ábhartha i do thír féin a chur ar an eolas, do rialtóir náisiúnta teileachumarsáide de ghnáth, agus beidh an rialtóir sin in ann tuilleadh comhairle a chur ort. Is féidir go ngearrfar táille bhreise ort as glaonna ar uimhreacha seirbhíse breisluacha speisialta.

Faoi mar atá sé ó mhí an Mheithimh 2017, cinntítear leis an Rialachán Fánaíochta nua gur féidir linn leanúint de leas a bhaint as glaonna, SMS agus sonraí móibíleacha gan táillí breise agus muid ag taisteal tríd an Aontas.

Seachas muirir uasta mhórdhíola nua a shocrú a íocann oibreoirí le chéile ar sheirbhísí fánaíochta, tá rialacha nua ann freisin a chuireann níos mó buntáistí ar fáil do thomhaltóirí: ionas gur féidir leat na seirbhísí nuálacha is déanaí a úsáid freisin agus tú ag taisteal agus chun cosaint níos fearr a thabhairt duit ar tháillí ceilte. Áirítear ar na buntáistí nua sin an cháilíocht chéanna agus an luas soghluaiste céanna a bheith agat thar lear agus a bhíonn agat sa bhaile (nuair is indéanta go teicniúil), tuilleadh faisnéise a bheith agat chun muirir bhreise fholaithe a chosc, i.e. nuair a ghlaonn tú ar uimhreacha seirbhíse breisluacha ón gcoigríoch nó má nascann d’fhón le líonra neamh-thrastíre nuair a thaistealaíonn tú ar bhád nó ar eitleán nó trí shásraí scoite nuair a shroichtear teorainneacha áirithe. Cinntíonn na rialacha nua freisin gur féidir leat teacht ar sheirbhísí éigeandála go héasca agus go héifeachtúil ó d’fhón cliste, agus go gcuirtear ar an eolas thú faoi mhodhanna malartacha chun teacht ar 112, mar shampla trí SMS, aipeanna nó téacs fíor-ama, agus tú ag taisteal thar lear agus faoi fheidhmchláir rabhaidh phoiblí, i gcás inarb ábhartha.

Ciallaíonnfánaíocht ar tháille baile gur cheart duit a bheith in ann seirbhís mhóibíleach a úsáid ar an mbealach céanna agus a úsáideann tú sa bhaile. Cuimsíonn sé seo cáilíocht freisin, cosúil le luas nó rochtain ar 4G má bhíonn 4G agat sa bhaile de ghnáth. I gcásanna áirithe ní féidir an cháilíocht chéanna a thairiscint toisc go mb‘fhéidir nach mbeadh an líonra chomh maith leis an gceann a úsáideann tú sa bhaile de ghnáth, nó d’fhéadfadh topagrafaíocht na tíre a dtugann tú cuairt uirthi a bheith difriúil le sléibhte nó go leor oileán mar shampla. Tá tosca éagsúla ann a d’fhéadfadh difear a dhéanamh don tseirbhís mhóibíleach ach ba cheart do d’oibreoir a dhícheall a dhéanamh chun an cháilíocht chéanna a thairiscint agus atá sa bhaile nuair is féidir sin a dhéanamh go teicniúil.

Ba cheartdo d’oibreoir tú a chur ar an eolas go soiléir faoi cháilíocht na seirbhíse fánaíochta. Ba cheart go n-áireofaí i do chonradh faisnéis faoin gcaoi ar féidir leis an tseirbhís fánaíochta a bheith éagsúil leis an tseirbhís a úsáideann tú sa bhaile agus cén fáth nach ionann an tseirbhís uaireanta agus an tseirbhís sa bhaile. Ba cheart go n-áireofaí sa chonradh freisin faisnéis maidir le conas gearán a dhéanamh nuair nach bhfuil cáilíocht na seirbhíse mar a bhíothas ag súil leis.

Ba cheartdo d’oibreoir faisnéis faoi cháilíocht na seirbhíse a fhoilsiú freisin, mar shampla ar a leathanach gréasáin. Ba cheart an fhaisnéis sin a bheith níos mionsonraithe ná an conradh. Ba cheart a mhíniú ann cén fáth a bhféadfadh seirbhís fánaíochta a bheith éagsúil leis an tseirbhís sa bhaile, go háirithe, na dialltaí ó na huasluasanna uaslódála agus íoslódála fógartha nó measta a thairgtear sa bhaile, agus conas is féidir leis na difríochtaí sin tionchar a imirt ar an tseirbhís fánaíochta. D’fhéadfaí a áireamh san fhaisnéis freisin míniú ar conas is féidir le haon teorainneacha ar thoirt, luas, glúine agus teicneolaíochtaí líonra atá ar fáil agus paraiméadair eile maidir le cáilíocht seirbhíse tionchar a imirt i gcleachtas ar an tseirbhís fánaíochta sonraí, agus go háirithe ar úsáid ábhair, feidhmchlár agus seirbhísí agus fánaíocht á déanamh.

Nuair a bhíonn an ghlúin líonra chéanna, mar shampla 4G, ar fáil sa tír a bhfuil tú ag tabhairt cuairte uirthi, ba cheart go mbeadh rochtain agat uirthi de ghnáth. Ba cheart do d’oibreoir a chinntiú go bhfuil rochtain agat ar an líonra céanna agus ar an gcáilíocht chéanna agus atá agat sa bhaile. I roinnt cásanna, ní bheidh sé seo indéanta toisc go mb’fhéidir nach mbeidh an líonra nó an teicneolaíocht chéanna ar fáil sa tír a bhfuil tú ag tabhairt cuairte uirthi. Ní hionann infhaighteacht líonra ar fud an Aontais, d’fhéadfadh sé nach n-úsáidfí na líonraí móibíleacha is déanaí i ngach áit ag an am céanna agus d’fhéadfadh sé nach mbeadh an luas líonra móibíleach céanna ar fáil i gcónaí. D’fhéadfadh sé seo a bheith mar an gcéanna le líonraí 5G.

Ina theannta sin, ba cheart do d’oibreoir tú a chur ar an eolas faoi cháilíocht na seirbhíse móibílí ar féidir leat a bheith ag súil léi agus tú ag fánaíocht. Ba cheart go mbeifeá in ann teacht ar an bhfaisnéis sin atá luaite i do chonradh agus ar shuíomh gréasáin an oibreora.

Aon uair a thrasnaíonn tú an teorainn, ba cheart do d’oibreoir teachtaireacht uathoibríoch a sheoladh chugat saor in aisce le do bhunfhaisnéis phearsantaithe praghsála faoi na muirir fánaíochta, lena n-áirítear CBL, a bhfuil feidhm acu maidir le glaonna a dhéanamh agus a fháil, SMS a sheoladh agus seirbhísí fánaíochta sonraí rialáilte a úsáid. Ba cheart go n-áireofaí san fhaisnéis freisin aon bheartas maidir le húsáid chóir a chuireann d’oibreoir i bhfeidhm, mar shampla má chuireann an t-oibreoir teorainn i bhfeidhm ar an méid sonraí is féidir leat a thomhailt agus tú ag fánaíocht. Ba cheart go n-áireofaí ann freisin faisnéis faoi aon fhormhuirir a d’fhéadfadh a bheith i bhfeidhm tar éis duit an teorainn méide sonraí sin a ídiú.  Ba cheart go n-áireofaí sa teachtaireacht faisnéis faoi sheirbhís áirithe nach bhfuil saor in aisce, cosúil le glaoch ar líne te nó seirbhísí do chustaiméirí.

Is féidir leat a chur in iúl do d’oibreoir nach mian leat an fhaisnéis seo a fháil.

Chomh maith le faisnéis praghsála, ní mór do d’oibreoir a chur in iúl duit i gcónaí go bhfuil glaonna chuig an uimhir aonair éigeandála Eorpach 112 saor in aisce agus conas is féidir leat rochtain a fháil ar sheirbhísí éigeandála ar bhealaí eile sa tír a bhfuil tú ag tabhairt cuairte uirthi. Ba cheart go n-áireofaí sa teachtaireacht uathoibríoch nasc chuig leathanach gréasáin inar féidir leat a fheiceáil cé na cumarsáidí éigeandála eile atá ar fáil sa tír ina bhfuil tú, mar shampla SMS éigeandála, feidhmchláir éigeandála agus a leithéid. Gheobhaidh tú an t-eolas sin gach uair a théann tú isteach i mBallstát eile.

Áiritheoidh soláthraithe seirbhísí fánaíochta go seolfar fógra chugat nuair a shroichfidh na seirbhísí fánaíochta sonraí 80 % den teorainn airgeadais nó den teorainn toirte a comhaontaíodh.

Ní mór do sholáthraitheseirbhísí fánaíochta fógraí a chur ar fáil freisin nuair a thomhlaíonn tú níos mó ná EUR 100 i dtréimhse bhilleála mhíosúil. Léireoidh an fógra an nós imeachta ba cheart duit a leanúint más mian leat leanúint de sheirbhísí fánaíochta a úsáid.

Féadfaidh custaiméirí diúltú a bheith páirteach sa teachtaireacht agus sna teorainneacha sin trí fhógra a thabhairt dá n-oibreoirí.

I measc nanglaonna ar sheirbhísí breisluacha, is féidir glaoch a chur ar chuideachtaí árachais, aerlínte, deasca cabhrach um sheirbhís do chustaiméirí, etc. Áirítear leo freisin SMS a sheoladh le haghaidh cluichí agus siamsaíochta, amhail vóta a chaitheamh i gcomórtas seó teilifíse, nó dul isteach i gcluiche. D‘fhéadfadh roinnt costas a bheith i gceist leis na huimhreacha seo a ghlaoch nó a théacsáil ón mbaile nó d’fhéadfadh sé a bheith saor in aisce, ag brath ar an tseirbhís. Nuair a bhíonn tú thar lear, is iondúil go mbíonn táillí breise i gceist nuair a ghlaonn tú ar uimhreacha seirbhíse breisluacha nó nuair a dhéanann tú téacsáil chucu, táillí nach mbeifeá ag súil leo. D’fhéadfadh sé nach mbeadh uimhir ar féidir leat glaoch uirthi saor in aisce ón mbaile saor in aisce thar lear. Ar an gcaoi chéanna, mura bhfuil ort ach táille bheag a íoc agus tú ag glaoch ar uimhir ón mbaile, d’fhéadfadh sé a bheith níos costasaí nuair a ghlaonn tú ó thar lear.

Is é is aidhm do na rialacha Fánaíochta cur leis an tuiscint atá agat go bhféadfadh sé go ngearrfaí muirir bhreise ar uimhreacha seirbhíse breisluacha. Ba cheartduit a bheith in ann teacht ar eolas faoi uimhreacha gutháin seirbhíse breisluacha i do chonradh, ar leathanach gréasáin tiomnaithe, agus tríd an SMS a fhaigheann tú agus tú ag trasnú na teorann chuig Ballstát eile.

I gcás na nglaonna atá saor in aisce sa bhaile ach a d’fhéadfaí a mhuirearú agus fánaíocht á déanamh, ní mór don oibreoir faisnéis faoin bhformhuirear le haghaidh uimhreacha gutháin saor in aisce a chur san áireamh agus fánaíocht á déanamh ar leathanach gréasáin tiomnaithe, lena n-áireofar freisin faisnéis maidir le raonta uimhrithe le haghaidh seirbhísí breisluacha.

Níl feidhm ag rialacha fánaíochtaan Aontais ach amháin maidir le líonraí móibíleacha talún. Fad is atá tú nasctha go díreach le líonra soghluaiste trastíre (e.g. ar aibhneacha, lochanna nó feadh an chósta) is féidir leat fánaíocht a dhéanamh sa bhaile fós. De ghnáth nuair a bhíonn tú ar long ar uisce oscailte nó le linn eitilte, tá an baol ann go nascfaidh tú le líonra neamh-thrastíre. Níl seirbhísí a sholáthraítear trí chineálacha eile líonraí raidió neamh-thrastíre amhail trí chórais satailíte ar bord long nó eitleán, faoi réir uasteorainneacha praghais ceangailteacha an chórais Fánaíochta ar Tháille Baile. Is gnách go mbíonn na seirbhísí seo costasach.

Nuair a bhíonn tú ag taisteal ar bhád nó ar eitleán, féadfaidh do ghuthán ceangal go huathoibríoch le líonra neamh-thrastíre, bunaithe ar shatailítí.  Níl feidhm ag rialacha fánaíochta an Aontais ach amháin maidir le líonraí móibíleacha talún. Chun tú a chosaint ar mhuirir fholaithe, ba cheart duit SMS a fháil chun foláireamh a thabhairt duit go bhfuil do ghuthán ceangailte le líonra den sórt sin agus chun tú a chur ar an eolas faoi na praghsanna. Má leanann tú de d’fhón a úsáid, nó má leanann aipeanna a úsáideann sonraí móibíleacha de bheith ag rith ar d’fhón, agus má shroicheann tú EUR 50 de mhuirir bhreise, nó teorainn réamhshainithe eile, stopfaidh na seirbhísí móibíleacha go huathoibríoch, mura sonraíonn tú féin a mhalairt. Leis na rialacha nua, cuirtear d’oibleagáid ar oibreoirí gach beart réasúnach a dhéanamh chun a gcustaiméirí a chosaint ar mhuirir bhreise. D’fhéadfaí a áireamh orthu sin an fhéidearthacht diúltú d’fhánaíocht ar eitleáin agus ar bháid, bearta oibríochta líonra chun tosaíocht a thabhairt do líonraí talún a mhéid is féidir. Ba cheart d’oibreoirí a gcuid custaiméirí fánaíochta a chur ar an eolas faoin bhféidearthacht diúltú de láimh agus ar an toirt d’fhánaíocht a dhéanamh ar a ngléas sás láimhe, bíodh sin trí na socruithe nó tríd an modh eitilte a ghníomhachtú.

Agus tú ag dul isteach sa Bhallstát a bhfuil cuairt á tabhairt air, gheobhaidh tú SMS fáilte ó do sholáthraí seirbhísí fánaíochta ina dtabharfar le fios go bhféadfar glao saor in aisce a chur ar 112 i gcás éigeandála. Gheobhaidh tú nasc freisin chuig leathanach gréasáin ar a bhfuil faisnéis faoi mhodhanna rochtana eile a úsáidtear sa Bhallstát a bhfuil cuairt á tabhairt air, mar shampla, feidhmchlár éigeandála, SMS nó téacs fíor-ama. Mura bhfuil tú in ann guthghlao a chur ar ‘112’, féadfaidh tú na modhanna rochtana sin ar sheirbhísí éigeandála a úsáid.

Bhain formhór na mBallstát úsáid as córais Craolacháin Ceall nó as córais SMS Suíomhbhunaithe lenar féidir rabhaidh phoiblí a sheoladh chuig úsáideoirí deiridh fánaíochta, gan aon ghá le haon ghníomhaíocht ó thaobh na dtomhaltóirí de. Seolann roinnt Ballstát rabhaidh phoiblí trí fheidhmchláir mhóibíleacha. Má thaistealaíonn tú chuig ceann de na Ballstáit sin, gheobhaidh tú nasc sa SMS fáilte chuig leathanach gréasáin ar a mínítear conas an feidhmchlár móibíleach a íoslódáil.

Ní hionann na freagraí a áirítear sa doiciméad seo agus seasamh oifigiúil an Choimisiúin agus tá siad gan dochar don seasamh sin agus ní dhéantar iarracht leo ach na rialacha fánaíochta a chur i láthair ar bhealach atá inrochtana do thomhaltóirí. Ní dhéanann an Coimisiún léirmhíniú ceangailteach ar dhlí an Aontais. Is faoi na cúirteanna náisiúnta atá sé a áirithiú go gcuirtear an Rialachán chun feidhme i gceart agus is faoi Chúirt Bhreithiúnais an Aontais Eorpaigh atá sé na rialacha a léirmhíniú.