Tríd an nglao a osclaíodh le déanaí, rannchuideoidh Saoráid an Choimisiúin Eorpaigh um Chónascadh na hEorpa — Digiteach (SCE Digiteach) le digitiú an iompair agus an fhuinnimh trí thacú leis an ullmhúchán chun Ardáin Dhigiteacha Oibríochtúla (ODPanna) a chur chun feidhme; an chéad chéim i gcur chuige dhá chéim maidir lena n-imscaradh.
I bhfianaise na géarchéime fuinnimh nach bhfacthas a leithéid riamh roimhe seo, rannchuideoidh SCE Digiteach le spriocanna comhshaoil, fuinnimh agus digitithe an Aontais chomh maith le slándáil agus ceannasacht fuinnimh agus dhigiteach a bhaint amach trí Idirlíon Fuinnimh cibearshlán agus córas iompair barrfheabhsaithe a chumasú feadh na bpríomhbhealaí Eorpacha. Le buiséad EUR 4 mhilliún agus maoiniú iomlán do na gníomhaíochtaí, bunófar leis an nglao seo Gníomhaíocht Comhordúcháin agus Tacaíochta (CSA) le haghaidh ODPanna i mbonneagair iompair agus fuinnimh ar fud na hEorpa. Tá CSA tábhachtach toisc go saineoidh sé na seirbhísí agus an bonneagar trasteorann a gheobhaidh cómhaoiniú i bhfad níos mó a bheidh le cur ar fáil san Eoraip.
Déanfaidh na ODPanna atá i gceist na bonneagair fuinnimh agus iompair atá ann cheana a ‘aisfheistiú’ leis an mbonneagar digiteach trasteorann is gá agus cuirfidh siad le bonneagair Eorpacha atá ann cheana agus atá ag teacht chun cinn i ndáil le sonraí, néalríomhaireacht agus imeall-ríomhaireacht agus bonneagair nascachta atá ann cheana agus atá ag teacht chun cinn, go háirithe na bonneagair sin a fhaigheann tacaíocht i gcodanna eile de chláir SCE Digiteach, Fís Eorpach agus DIGITAL. Comhlíonfaidh siad prionsabail na spásanna coiteanna sonraí Eorpacha agus d’fhéadfadh siad a bheith i measc na gcéad chur chun feidhme praiticiúil de na spásanna sonraí sin.
An 25 Deireadh Fómhair 2022, eagróidh Ard-Stiúrthóireacht na Líonraí Cumarsáide, an Ábhair Dhigitigh agus na Teicneolaíochta (AS CONNECT) agus an Ghníomhaireacht Feidhmiúcháin Eorpach um an tSláinte agus an Digitiú (HaDEA) Lá Faisnéise fíorúil comhpháirteach ina mbeidh cláraithe in ann níos mó a fhoghlaim faoi na ODPanna agus faoi ábhair eile a bhaineann leis na glaonna oscailte.
Is é an 23 Feabhra 2023 ar 17:00 Am Lár na hEorpa an spriocdháta chun iarratais a chur isteach don Ghlao ar Thograí.
Tuilleadh eolais
Preaseisiúint: Glaonna nua ar thograí a sheoladh, a bhfuil buiséad EUR 277 milliún ag gabháil leo, chun tacú le hinfheistíochtaí i mbonneagair nascachta digití