GettyImages ©anyaberkut
Áirítear leis sin borradh suas le €360 billiún a chur faoin trádáil laistigh den Aontas agus gnóthachan suntasach táirgiúlachta a bhaint amach.
Chun feidhmiú go héifeachtúil ar fud theangacha na hEorpa, ní mór oiliúint a chur ar theicneolaíochtaí teanga le lear mór sonraí ilteangacha.
Tugann an staidéar faoi deara go roghnóidh 7 as gach 10 n-úsáideoir a dteanga dhúchais i gcónaí thar Bhéarla agus iad ag brabhsáil ar líne. Le teicneolaíochtaí teanga níos inrochtana, beidh na hacmhainní ag fiontair bheaga agus mheánmhéide chun a n-ábhar a sholáthar i dteangacha éagsúla. Mar thoradh air sin, d’fhéadfadh an meaisínaistriúchán amháin borradh suas le €300 billiún a chur faoin trádáil laistigh den Aontas do FBManna an Aontais atá gníomhach sa trádáil idirnáisiúnta cheana féin. Tá sé ríthábhachtach smacht a bheith agat ar na sonraí agus ar na bonneagair bhunúsacha chun na tairbhí sin a bhaint amach. Leagtar béim sa staidéar ar chur chuige an Aontais mar chur chuige lena gcosnaítear a cheannasacht agus a luachanna toisc go bhfuil sé d’aidhm aige an bealach a réiteach do rialachas sábháilte sonraí agus don intleacht shaorga.
Tagann an staidéar sin 2 mhí tar éis sheoladh ALT-EDIC agus Spás Sonraí Teanga, arb é is aidhm dóibh aghaidh a thabhairt ar an nganntanas sonraí teanga Eorpacha is gá chun oiliúint a chur ar shamhlacha IS. Tá sé ríthábhachtach comhroinnt sonraí teanga a chur chun cinn ionas go bhfeidhmeoidh feidhmchláir GenAI go cruinn i dteangacha Eorpacha.
Is féidir leat an staidéar a íoslódáil ar leathanach gréasáin Oifig na bhFoilseachán.