Leis an tionscadal Beyond One Million Genome plus (B1MGplus),a mhaoinítear faoin gClár don Eoraip Dhigiteach, soláthraítear comhordú agus tacaíocht don Tionscnamh 1+ Milliún Géanóm (1+MG), atá ar cheann de na tionscnaimh is mó ar domhan chun rochtain shlán ar shonraí géanómaíocha agus cliniciúla comhfhreagracha a chumasú ar fud na hEorpa.
Cuireann B1MGplus le torthaí thionscadal B1MG (a críochnaíodh in 2023) agus, ag obair in éineacht leis an tionscadal um Bonneagar Sonraí Géanómaíocha (GDI) agus leis an tionscadal um Ghéanóm na hEorpa (GoE), cuideoidh sé le spriocanna an tionscnaimh 1+MG a bhaint amach. Le cruinniú tosaigh an lae inniu, cuirtear tús le gníomhaíochtaí tacaíochta do na Ballstáit chun bonneagar géanómaíoch cónasctha a chruthú lena gcumasaítear, trí rochtain ar shonraí géanómaíocha a chur ar fáil, taighde nuálach, ceapadh beartas sláinte níos fearr, agus forbairt cúraim sláinte pearsantaithe.
Chun tacú leis an tionscnamh 1+MG, díreoidh an tionscadal B1MGplus ar rianta cur chun feidhme a sheachadadh ar Threochlár 1+MG 2023-2027 le ceithre chuspóir:
- Tacú le hobair ullmhúcháin chun Cuibhreannas don Bhonneagar Digiteach Eorpach (EDIC) a chruthú agus a oibriú
- Treoshuíomh straitéiseach an Tionscnaimh 1+MG a éascú
- Tacú le hobair shaineolach chun glacadh na géanómaíochta chun críocha cúraim sláinte agus sláinte poiblí a chumasú
- Gnéithe cáilíochta sonraí den Chreat 1+MG a fhorbairt
Comhoibreoidh comhpháirtithe tionscadail B1MGplus le tionscnaimh Eorpacha eile, amhail an Spás Eorpach Sonraí Sláinte agus an Tionscnamh Eorpach um Íomháú Ailse chun a chinntiú go mbeidh comhpháirteanna an Chreata 1+MG idir-inoibritheach agus go nglacfar iad.
Chun tuilleadh eolais a fháil, féach suíomh gréasáin B1MGplus.