Tar éis rannpháirtíocht fhorleathan leis an gCoimisiún, chuir TikTok gealltanais cheangailteacha isteach lena dtugtar aghaidh ar na hábhair imní uile a chuir an Coimisiún in iúl ina imscrúdú agus sna réamhthorthaí ó mhí na Bealtaine 2025. Áirítear an méid seo a leanas ar na gealltanais sin, lena n-áirithítear trédhearcacht iomlán:
- Cuirfidh TikTok ábhar iomlán an fhógra ar fáil mar atá sé le feiceáil i bhfothaí úsáideoirí, lena n-áirítear na URLanna sa nasc a chuirtear ar fáil san fhógra.
- Déanfaidh TikTok a stór a nuashonrú níos gasta, ag cinntiú go mbeidh faisnéis ar fáil laistigh de 24 uair an chloig ar a mhéad.
- Soláthróidh TikTok na critéir spriocdhírithe arna roghnú ag fógróirí, mar aon le sonraí comhiomlánaithe úsáideora (lena n-áirítear inscne, aoisghrúpa agus an Ballstát ina bhfuil na húsáideoirí a sroicheadh lonnaithe), rud a chuirfidh ar chumas taighdeoirí imscrúdú a dhéanamh ar an gcaoi a ndéantar fógraí a spriocdhíriú agus a sheachadadh.
- Tabharfaidh TikTok roghanna cuardaigh agus scagairí breise isteach, rud a ligfidh d'úsáideoirí fógraí a aimsiú níos éasca.
Leis an nGníomh um Sheirbhísí Digiteacha, ceanglaítear ar ardáin stór inrochtana agus inchuardaithe a choinneáil de na fógraí a ritheann ar a gcuid seirbhísí. Tá na stórtha sin ríthábhachtach do rialtóirí, do thaighdeoirí agus don tsochaí shibhialta chun camscéimeanna, fógraí le haghaidh táirgí neamhdhleathacha nó táirgí atá míchuí ó thaobh aoise de, fógraí bréige, agus oibríochtaí faisnéise comhordaithe a bhrath, lena n-áirítear i gcomhthéacs toghchán.
Léigh an phreaseisiúint iomlán.
Faigh tuilleadh eolais faoi: