Skip to main content
Shaping Europe’s digital future
  • PRESS RELEASE
  • Foilseachán 16 Nollaig 2024

Iarrann an Coimisiún ar 10 mBallstát an Gníomh um Rialachas Sonraí a chomhlíonadh

Inniu, chinn an Coimisiún Eorpach tuairim réasúnaithe a sheoladh chuig an tSeicia (INFR(2024)2057), chuig an nGearmáin (INFR(2024)2060), chuig an Eastóin (INFR(2024)2058), chuig an nGréig (INFR(2024)2061), chuig an gCipir (INFR(2024)2056), chuig Lucsamburg (INFR(2024)2063), chuig an Ostair (INFR(2024)2054), chuig an bPolainn (INFR(2024)2066), chuig an bPortaingéil (INFR(2024)2067), agus chuig an tSlóivéin (INFR(2024)2070), toisc nár ainmnigh na Ballstáit sin na húdaráis fhreagracha chun an Gníomh um Rialachas Sonraí a chur chun feidhme, nó toisc nár chruthaigh siad go bhfuil sé de chumhacht ag na húdaráis sin na cúraimí a cheanglaítear leis an nGníomh a dhéanamh.

AdobeStock © Prostock studio

Leis an nGníomh um Rialachas Sonraí, éascaítear comhroinnt sonraí ar fud earnálacha agus thíortha an Aontais ar mhaithe le saoránaigh agus gnólachtaí. Méadaíonn sé muinín i gcomhroinnt sonraí trí rialacha a bhunú maidir le neodracht idirghabhálaithe sonraí a nascann daoine aonair agus cuideachtaí le húsáideoirí sonraí.

Sheol an Coimisiún litir fógra fhoirmiúil chuig an tSeicia, an Ghearmáin, an Eastóin, an Ghréig, an Chipir, Lucsamburg, an Ostair, an Pholainn, an Phortaingéil agus an tSlóivéin an 23 Bealtaine 2024.

Cé gur thug roinnt Ballstát fógra don Choimisiún maidir leis na húdaráis fhreagracha a ainmniú, níor thug aon Bhallstát lánchumhacht dóibh gníomhú agus an Gníomh um Rialachas Sonraí a chur chun feidhme. Dá bhrí sin, chinn an Coimisiún tuairim réasúnaithe a eisiúint chuig na Ballstáit sin, agus tá 2 mhí acu anois chun freagra a thabhairt agus na bearta is gá a dhéanamh. Mura ndéanfar amhlaidh, féadfaidh an Coimisiún a chinneadh na cásanna a tharchur chuig Cúirt Bhreithiúnais an Aontais Eorpaigh.