Sheol an Coimisiún Deasc Chabhrach Dhlíthiúil an Ghnímh um Shonraí chun cabhrú le páirtithe leasmhara, go háirithe fiontair bheaga agus mheánmhéide (FBManna), nach mbíonn ranna móra acu de ghnáth, freagraí a fháil ar cheisteanna nithiúla faoi na rialacha nua.
Cinnteoidh an deasc chabhrach, a fógraíodh i Straitéis an Aontais Sonraí, go bhfreagrófar ceisteanna go tapa agus le haird ar leith. Tá sé deartha do na páirtithe leasmhara uile atá ag lorg treoir shoiléir phraiticiúil maidir le ceanglais, cearta agus oibleagáidí i ndáil leis an nGníomh um Shonraí.
Comhlánaíonn Deasc Chabhrach Dhlíthiúil an Ghnímh um Shonraí uirlisí agus treoraíocht eile atá ann cheana chun tacú le comhlíonadh, lena n-áirítear:
- Ceisteanna coitianta faoin nGníomh um Shonraí
- Dréachtmholadh maidir le Téarmaí Conarthacha Samhla neamhcheangailteacha le haghaidh rochtain ar shonraí agus úsáid sonraí (MCTanna) agus Clásail Chonarthacha Chaighdeánacha neamhcheangailteacha le haghaidh conarthaí néalríomhaireachta (SCCanna)
- Treoraíocht maidir le sonraí feithicle, a ghabhann leis an nGníomh um Shonraí
Tá sé beartaithe ag an gCoimisiún freisin tuilleadh treorach agus tacaíochta a fhoilsiú, lena n-áirítear treoirlínte maidir le cúiteamh réasúnta agus treoir maidir le sainmhínithe roghnaithe sa Ghníomh um Shonraí.