GettyImages © Aree Sarak
Leis an uirlis, cuirfear bealach slán rúnda ar fáil do dhaoine aonair chun sáruithe amhrasta ar an nGníomh um an Intleacht Shaorga a thuairisciú go díreach d’Oifig an Aontais um an Intleacht Shaorga, lárionad saineolais IS laistigh den Choimisiún.
Is féidir le sceithirí faisnéis ábhartha a sholáthar in aon cheann de theangacha oifigiúla an Aontais, agus in aon fhormáid ábhartha. Cuireann an uirlis bealach slán ar fáil chun sáruithe féideartha ar an dlí a thuairisciú a d’fhéadfadh cearta bunúsacha, sláinte nó muinín an phobail a chur i mbaol. Ráthaítear an leibhéal is airde rúndachta agus cosanta sonraí trí shásraí criptithe deimhnithe. Leis an gcóras sin, is féidir obair leantach shlán a dhéanamh, rud a ligeann do sceithirí nuashonruithe a fháil maidir le dul chun cinn a dtuairisce agus maidir leis an bhféidearthacht freagra a thabhairt ar cheisteanna breise ón Oifig um Intleacht Shaorga, gan a n-anaithnideacht a chur i mbaol.
Is é is aidhm do Ghníomh an Aontais um an Intleacht Shaorga nuálaíocht agus glacadh na hintleachta saorga a chur chun cinn san Aontas, agus aghaidh á tabhairt ag an am céanna ar na rioscaí a d’fhéadfadh a bheith ann do shláinte, do shábháilteacht agus do chearta bunúsacha daoine agus an daonlathas agus an smacht reachta a chosaint. Trí fhaisnéis faoi sháruithe a thuairisciú, is féidir le sceithirí tacú leis an Oifig um Intleacht Shaorga iad a bhrath go luath, agus ar an gcaoi sin rannchuidiú le teicneolaíochtaí intleachta saorga a fhorbairt go sábháilte agus go trédhearcach.
Faigh rochtain ar Uirlis Sceithirí an Ghnímh um an Intleacht Shaorga agus léigh tuilleadh eolais faoin uirlis agus faoi na ceisteanna coitianta.