An 31 Deireadh Fómhair 2025, tháinig ionadaithe ón Aontas agus ón India le chéile faoi Mheitheal 1 na Comhairle Trádála agus Teicneolaíochta chun athbhreithniú a dhéanamh ar an dul chun cinn ar fud sruthanna oibre digiteacha. Bhí an tArd-Stiúrthóir Roberto Viola ó Ard-Stiúrthóireacht na Líonraí Cumarsáide, an Ábhair Dhigitigh agus na Teicneolaíochta sa Choimisiún Eorpach (AS CNECT) agus Rúnaí Krishnan ó Aireacht Leictreonaice agus TF na hIndia (MeitY) ina gcomhchathaoirligh ar an gcruinniú.
Chomh maith leis an dul chun cinn atá déanta faoi láthair a phlé, tugadh deis leis an gcruinniú machnamh a dhéanamh ar na chéad chéimeanna eile roimh an gcéad chruinniú aireachta eile de chuid na Comhairle Trádála agus Teicneolaíochta atá beartaithe do 2026. I measc na n-ábhar a bhí á bplé bhí leathsheoltóirí, bonneagar poiblí digiteach, scileanna digiteacha, IS, ríomhaireacht ardfheidhmíochta agus ríomhaireacht chandamach, teicneolaíocht faisnéise agus caighdeánú teileachumarsáide.
Is iad Uachtarán an Choimisiúin Ursula von der Leyen agus Príomh-Aire na hIndia Narendra Modi a bhunaigh an Chomhairle Trádála agus Teicneolaíochta idir an tAontas agus an India in 2022. Tugann an Chomhairle Trádála agus Teicneolaíochta an deis aghaidh a thabhairt ar dhúshláin chomhroinnte trádála, teicneolaíochta agus slándála, ár gcomhar a dhoimhniú agus cur chuige duinelárnach i leith an chlaochlaithe dhigitigh a chur chun cinn.
Mar chuid de Mheitheal 1, pléann an tAontas agus an India tosaíochtaí digiteacha, ag díriú ar a láidreachtaí a ghiaráil chun ardteicneolaíochtaí digiteacha iontaofa a fhorbairt a rachaidh chun tairbhe dá saoránaigh faoi seach.
Léigh tuilleadh faoin gcomhpháirtíocht idir an tAontas agus an India.