iStock Photo Getty Images +
Is é €325 mhilliún an maoiniú iomlán atá ar fáil ón Aontas do na glaonna sin, agus ba cheart maoiniú breise ó stáit rannpháirteacha an Chomhghnóthais um Shliseanna a chur leis an maoiniú sin.
Leis an mbabhta nua glaonna seo, tabharfar tuilleadh tacaíochta do thionscal leathsheoltóirí na hEorpa tríshlioglíne a bhunú do chiorcaid iomlánaithe fhótónaice (PICanna). Úsáideann na leathsheoltóirí sin solas chun faisnéis a phróiseáil agus a tharchur ar luasanna níos airde agus níos lú fuinnimh á úsáid acu. Beidh tábhacht ar leith ag baint leis sin don chéad ghlúin eile de ríomhairí ardfheidhmíochta, de chumarsáid ardluais agus d’ionaid sonraí.
Tacóidh an maoiniú freisin le 'lárionaid inniúlachta sliseanna' a chruthú, a chur i bhfeidhm agus a líonrú sna stáit rannpháirteacha. Cuirfidh na lárionaid inniúlachta sin rochtain ar fáil ar shaineolas teicniúil agus ar thurgnamhaíocht maidir le leathsheoltóirí, rud a chuideoidh le cuideachtaí, FBManna go háirithe, feabhas a chur ar chumais dearthóireachta agus a scileanna a fhorbairt. Ar deireadh, leis na glaonna atá le teacht maoineofar tionscadal chun ardán dearthóireachta néalbhunaithe ar líne a chruthú a chuirfidh ar chumas úsáideoirí, go háirithe an saol acadúil, gnólachtaí nuathionscanta agus FBManna, a sliseanna nua a dhearadh agus a fhorbairt, agus cuidiú lena ndearaí a chur ar an margadh.
Is féidir le gníomhaithetionsclaíocha agus eagraíochtaí taighde iarratas a dhéanamh ar chistiú tríd an Tairseach um Dheiseanna Cistiúcháin agus Tairisceana agus trí shuíomh gréasáin an Chomhghnóthais um Shliseanna. Is iad na dátaí deiridh le haghaidh tograí le haghaidh na líne píolótaí fótónaice, na lárionad inniúlachta, agus an ardáin deartha an 17 Meán Fómhair 2024, an 2 Deireadh Fómhair 2024, agus an 10 Deireadh Fómhair 2024 faoi seach – iad uile ar 17:00 Am Samhraidh Lár na hEorpa.
Is féidir le hiarratasóirí iarratas a dhéanamh ar chistiú tríd an Tairseach um Dheiseanna Cistiúcháin agus Tairisceana agus trí shuíomh gréasáin an Chomhghnóthais um Shliseanna.
Tabharfar faisnéis mhionsonraithe faoi na glaonna agus faoin bpróiseas iarratais trí sheisiúin faisnéise an 11-12 Iúil 2024.
Is féidir tuilleadh faisnéise a léamh faoin gComhghnóthas um Shliseanna agus faoin tionscnamh Sliseanna don Eoraip.