AdobeStock © ibreakstock
Leis an Sciath Eorpach um an Daonlathas agus le Straitéis an Aontais Eorpaigh don tSochaí Shibhialta, cuirtear i láthair bearta chun príomhcholúin ár gcóras daonlathach a chosaint: saordhaoine, saorthoghcháin chóra, meáin shaora neamhspleácha, sochaí shibhialta bhríomhar agus institiúidí daonlathacha láidre.
Seo mar a labhair Henna Virkkunen, an Leas-Uachtarán Feidhmiúcháin um Cheannasacht Teicneolaíochta, Slándáil agus Daonlathas:
Seasann an Eoraip níos láidre ná riamh chun a bunsraitheanna agus a luachanna daonlathacha a chosaint. Is iad na saoránaigh croílár ár ndaonlathas. Baineann ár dtograí le níos mó ná cosaint – baineann siad le cumhachtú. Is mian linn go mbeadh a fhios ag gach saoránach, gach comhlachas agus gach guth go seasann an Eoraip leo. Is é daonlathas muiníneach, oscailte agus athléimneach an freagra is fearr dóibh siúd atá ag iarraidh sinn a dheighilt nó a lagú.
Leis na gníomhaíochtaí faoin Sciath Eorpach um an Daonlathas, cuirfear borradh breise faoin acmhainneacht chomhchoiteann atá againn cur i gcoinne na cúblála faisnéise agus na bréagaisnéise agus ár n-athléimneacht a neartú trí chur chuige uile-shochaí.
Leis an Sciath Eorpach um an Daonlathas, cuirfear gníomhaíochtaí i láthair ar fud trí phríomhcholún:
- sláine an spáis faisnéise a chosaint;
- ár n-institiúidí a neartú, toghcháin chóra shaora, agus meáin shaora neamhspleácha; agus
- borradh a chur faoi athléimneacht na sochaí agus faoi rannpháirtíocht na saoránach.
Léigh an phreaseisiúint iomlán.
Léigh tuilleadh faoi na gníomhaíochtaí sonracha a bhaineann le hardáin ar líne agus le saoirse na meán.