European AI Assembly
Amárach, an 16 Samhain, tionólfar an 4ú Comhthionól de Chomhaontas IS na hEorpa leis an téama “An Intleacht Shaorga Iontaofa a threorú ar fud an domhain”. Is i gcomhthéacs Uachtaránacht na Spáinne ar Chomhairle an Aontais Eorpaigh a eagraítear an t- imeacht. Beidh focail tosaigh aici ó Leas-Phríomh-Aire na Spáinne, Nadia Calviño Santamaría, chomh maith le teachtaireacht físeáin ón gCoimisinéir um an Margadh Inmheánach, Thierry Breton, maidir le ceannaireacht an Aontais i réimse na hintleachta saorga iontaofa.
Is í an Chomhghuaillíocht Eorpach um an Intleacht Shaorga an tionscnamh suaitheanta de chuid an Aontais a thugann lucht ceaptha beartas agus páirtithe leasmhara le chéile ó 2018 i leith chun rannchuidiú le beartas intleachta saorga na hEorpa a mhúnlú. Cloch mhíle thábhachtach eile sa Straitéis Eorpach um an Intleacht Shaorga atá i dTionól Chomhghuaillíocht na hintleachta saorga i mbliana, agus tá an Gníomh um an Intleacht Shaorga ag dul i dtreo a ghlactha agus an Plean Comhordaithe nuashonraithe maidir leis an intleacht shaorga sa dara bliain dá chur chun feidhme.
Deis a bheidh san imeacht seo forbairtí suntasacha reachtacha a mhalartú agus páirtithe leasmhara a chur ar an eolas faoi na chéad chéimeanna eile maidir leis angComhshocrú maidir leis an Intleacht Shaorga.
Freastalóidh na rannpháirtithe freisin ar phainéil atá tiomnaithe don intleacht shaorga giniúnach, don chibearshlándáil agus don intleacht shaorga, chomh maith le cabhrú le nuálaithe intleachta saorga dul ar an margadh. Mar chuid den phlé beidh borradh an Aontais maidir le glacadh IS trí chead a thabhairt do ghnólachtaí nuathionscanta rochtain a fháil ar a shár-ríomhairí ardfheidhmíochta[BB(1].
Rachfar i ngleic freisin le hábhair atá ag teacht chun cinn ar an leibhéal idirnáisiúnta amhail Coinbhinsiún Chomhairle na hEorpa maidir leis an intleacht shaorga agus tionscnaimh chomhair dhéthaobhacha agus iltaobhacha eile le haghaidh IS iontaofa.
Is imeacht oscailte poiblí é an 4ú Comhthionól de Chomhaontas IS na hEorpa, arna chomheagrú ag an gCoimisiún Eorpach agus ag Aireacht Gnóthaí Eacnamaíocha agus Claochlaithe Dhigitigh na Spáinne.