Tá an Cód ceaptha chun cabhrú leis an tionscal rialacha an Ghnímh um an Intleacht Shaorga maidir le IS ilchuspóireach a chomhlíonadh, rialacha a thiocfaidh i bhfeidhm an 2 Lúnasa 2025. Tiocfaidh na rialacha chun bheith in-fhorfheidhmithe ag Oifig an Choimisiúin um Intleacht Shaorga bliain amháin ina dhiaidh sin a mhéid a bhaineann le samhlacha nua agus 2 bhliain ina dhiaidh sin a mhéid a bhaineann le samhlacha atá ann cheana. Is é is aidhm dó sin a áirithiú go mbeidh samhlacha intleachta saorga ilchuspóireacha a chuirtear ar mhargadh na hEorpa — lena n-áirítear na samhlacha is cumhachtaí — sábháilte agus trédhearcach.
Tá trí chaibidil sa Chód: Trédhearcacht agus Cóipcheart, lena dtugtar aghaidh ar gach soláthraí samhlacha intleachta saorga ilchuspóireacha, agus Sábháilteacht agus Slándáil, nach bhfuil ábhartha ach do líon teoranta soláthraithe na samhlacha is forbartha.
A luaithe a bheidh an Cód formhuinithe ag na Ballstáit agus ag an gCoimisiún, beidh soláthraithe samhlacha intleachta saorga ilchuspóireacha a shíníonn an Cód go deonach in ann comhlíonadh oibleagáidí ábhartha an Ghnímh um an Intleacht Shaorga a léiriú trí chloí leis an gCód. Agus an méid sin á dhéanamh acu, bainfidh sínitheoirí an Chóid tairbhe as ualach riaracháin laghdaithe agus as deimhneacht dhlíthiúil mhéadaithe i gcomparáid le soláthraithe a chruthaíonn comhlíonadh ar bhealaí eile.
Tá tuilleadh eolais faoin gCód Cleachtais le fáil sa phreaseisiúint ar líne.
Faigh tuilleadh eolais faoi:
An Cód Cleachtais maidir le GPAI
Ceisteanna agus Freagraí maidir leis an gCód Cleachtais i ndáil le GPAI
Tuilleadh eolais faoi phróiseas dréachtaithe Chód Cleachtais GPAI