iStock photo Getty images plus
Úsáidfear an córas nua den chéad scoth chun taighde agus forbairt a chur chun cinn i réimsí amhail teicneolaíochtaí atá tíosach ar fhuinneamh, réamhaisnéisí aimsire, agus taighde ar muir agus aigéanach. Cuideoidh sé freisin le feidhmeanna tionsclaíocha a fhorbairt i bhfionnachtain drugaí, i ndearadh ábhar nua, i gcórais néareolaíochta, i gcórais fuinnimh atá neamhdhíobhálach don aeráid, agus i réimsí eile.
Is é Deucalion, an seachtú sár-ríomhaire EuroHPC a suiteáladh san Aontas Eorpach, an acmhainn ríomhaireachta is cumhachtaí agus is forbartha sa Phortaingéil. Is ionann é agus infheistíocht EUR 20 milliún, lena n-áirítear EUR 7 milliún de mhaoiniú ón Aontas agus buaicfheidhmíocht 10 Petaflops — nó ríomhanna 10 milliún billiún in aghaidh an tsoicind. Thairis sin, cuireann sé ailtireacht uathúil ar fáil san Eoraip, rud a thugann rochtain d’úsáideoirí Eorpacha ar dhearadh ceannródaíoch a chomhlánóidh agus a shaibhreoidh an tacar éagsúil ailtireachtaí ríomhaireachta a chuireann na córais EuroHPC ar fáil.
Tá Deucalion ag teacht le sár-ríomhairí an Chomhghnóthais EuroHPC atá i bhfeidhm cheana féin: Discoverer sa Bhulgáir, MeluXina i Lucsamburg, Vega sa tSlóivéin, Karolina sa tSeicia, LEONARDO san Iodáil, agus LUMI san Fhionlainn. Beidh an tríú sár -ríomhaire réamh-eacsascálaithe Eorpach MareNostrum5 sa Spáinn ina dhiaidh insealbhú Deucalion go luath, agus cuirfear tús leis an bhfómhar seo chugainn.