Sonraítear sa ghníomh cur chun feidhme seo bearta bainistíochta riosca maidir leis an gcibearshlándáil chomh maith leis na cásanna inar cheart teagmhas a mheas mar theagmhas suntasach agus ba cheart do chuideachtaí a sholáthraíonn bonneagair dhigiteacha agus seirbhísí digiteacha é a thuairisciú do na húdaráis náisiúnta. Is céim mhór eile é sin chun borradh a chur faoi chibear-athléimneacht bhonneagar digiteach criticiúil na hEorpa.
Beidh feidhm ag an rialachán cur chun feidhme sin a glacadh maidir le catagóirí sonracha cuideachtaí a sholáthraíonn seirbhísí digiteacha, amhail soláthraithe seirbhísí néalríomhaireachta, soláthraithe seirbhísí lárionaid sonraí, margaí ar líne, innill chuardaigh ar líne agus ardáin líonraithe shóisialta, gan ach cúpla ceann a lua. I gcás gach catagóire soláthraithe seirbhíse, sonraítear sa ghníomh cur chun feidhme cathain a mheastar teagmhas a bheith suntasach, cé dó ar gá é a thuairisciú agus cén tréimhse ama ina leith.
Glacadh an rialachán cur chun feidhme i gcomhthráth leis an spriocdháta do na Ballstáit chun Treoir NIS2 a thrasuí sa dlí náisiúnta. Ón 18 Deireadh Fómhair 2024, ní mór do na Ballstáit uile na bearta is gá a chur i bhfeidhm chun rialacha cibearshlándála NIS2 a chomhlíonadh, lena n-áirítear bearta maoirseachta agus forfheidhmiúcháin.
Léigh an phreaseisiúint iomlán.
Tuilleadh eolais:
- Gníomh Cur Chun Feidhme Threoir NIS2
- Bileog eolais faoin Treoir maidir le bearta le haghaidh ardleibhéal comhchoiteann cibearshlándála ar fud an Aontais (NIS2)
- Ceisteanna agus Freagraí faoi NIS2: Straitéis nua Chibearshlándála an Aontais agus rialacha nua chun eintitis chriticiúla fhisiciúla agus dhigiteacha a dhéanamh níos athléimní
- Treoir maidir le bearta le haghaidh ardleibhéal cibearshlándála coiteann ar fud an Aontais (Treoir NIS2)
- Beartais Chibearshlándála an Choimisiúin
Related content
Policy and legislation | 17 Deireadh Fómhair 2024
Leagtar síos leis an Rialachán seo ceanglais theicniúla agus mhodheolaíochta na mbeart dá dtagraítear in NIS2 maidir le soláthraithe seirbhísí DNS, clárlanna ainmneacha TLD, soláthraithe seirbhísí néalríomhaireachta, soláthraithe seirbhísí lárionaid sonraí, soláthraithe líonraí soláthair ábhair, soláthraithe seirbhísí bainistithe, soláthraithe seirbhísí slándála bainistithe, soláthraithe margaí ar líne, soláthraithe inneall cuardaigh ar líne agus soláthraithe ardán seirbhísí líonraithe shóisialta, agus soláthraithe seirbhísí iontaoibhe (na heintitis ábhartha).