Geallann TikTok clár Luaíochta TikTok Lite a tharraingt siar go buan ón Aontas chun an Gníomh um Sheirbhísí Digiteacha a chomhlíonadh

Chuir TikTok na gealltanais sin isteach chun aghaidh a thabhairt ar na hábhair imní a chuir an Coimisiún in iúl sna himeachtaí foirmiúla a tionscnaíodh i gcoinne TikTok an 22 Aibreán agus chun comhlíonadh an Ghnímh um Sheirbhísí Digiteacha a áirithiú.

Tá na gealltanais seo a leanas tugtha ag an ardán:

• Gealltanas chun clár Luaíochta TikTok Lite a tharraingt siar ón Aontas, go buan;
• Gealltanas gan aon chlár eile a sheoladh a rachadh timpeall ar an tarraingt siar.

Leis an gcinneadh, déantar na gealltanais sin ceangailteach ó thaobh dlí de, rud a chiallaíonn go mbeadh aon sárú ar na gealltanais ina shárú láithreach ar DSA agus, dá bhrí sin, go bhféadfadh fíneálacha a bheith mar thoradh air. Leis an gcinneadh sin, tá clabhsúr á chur ag an gCoimisiún freisin leis na himeachtaí foirmiúla a tionscnaíodh i gcoinne TikTok an 22 Aibreán.

Léigh an phreaseisiúint iomlán agus faigh tuilleadh eolais faoi na nithe seo a leanas:

• Pacáiste an Ghnímh um Sheirbhísí Digiteacha
• Gníomh um Sheirbhísí Digiteacha: Ardáin agus innill chuardaigh an-mhór ar líne
• Maoirseacht ar na hardáin agus na hinnill chuardaigh an-mhór ar líne ainmnithe faoi DSA
• An creat forfheidhmithe faoin nGníomh um Sheirbhísí Digiteacha