Deich mBliana Digiteacha na hEorpa: An bealach á leagan amach ag an gCoimisiún i dtreo Eoraip atá cumhachtaithe go digiteach faoi 2030

Chuir an Coimisiún fís, spriocanna agus bealaí i láthair le déanaí chun claochlú digiteach rathúil a dhéanamh ar an Eoraip faoi 2030. Tá sé sin ríthábhachtach freisin chun an t-aistriú i dtreo geilleagar aeráidneodrach, ciorclach agus athléimneach a bhaint amach. Is é uaillmhian an Aontais a bheith ceannasach go digiteach i ndomhan oscailte idirnasctha, agus beartais dhigiteacha a shaothrú lena gcuirtear ar chumas daoine agus gnólachtaí todhchaí dhigiteach atá dírithe ar dhaoine, inbhuanaithe agus níos rathúla a ghabháil. Áirítear leis sin aghaidh a thabhairt ar leochaileachtaí agus ar spleáchais chomh maith le dlús a chur leis an infheistíocht.