Leis na deiseanna a chruthaítear le teicneolaíochtaí núíosacha agus le nuálaíochtaí suaiteacha, gealltar go mbainfear amach an téarnamh cóir inbhuanaithe atá de dhíth ar an Eoraip. Ach tá an baol ann go gcaillfidh an Eoraip na deiseanna sin má dhéantar dearmad ar leath dá daonra mar fhoinse nuálaíochta agus tallainne cruthaithí.
Déanann Duais an Aontais Eorpaigh do Nuálaithe Ban ceiliúradh ar fhiontraithe ban atá taobh thiar de nuálaíochtaí atá ag athrú ó bhonn. Agus é sin á dhéanamh aige, féachann an tAontas le feasacht a mhúscailt maidir leis an ngá atá le níos mó nuálaithe ban, agus eiseamláirí a chruthú do mhná agus do chailíní i ngach áit.
Bronntar an duais ar na fiontraithe ban is éirimiúla ó gach cearn den Aontas agus ó thíortha atá comhlachaithe le Fís Eorpach, a bhunaigh cuideachta rathúil agus a thug nuálaíocht chun an mhargaidh. Is í Gníomhaireacht Feidhmiúcháin na Comhairle Nuálaíochta Eorpaí agus na bhFiontar Beag agus Meánmhéide a bhainistíonn an duais, agus roghnaíonn giúiré saineolaithe neamhspleácha na buaiteoirí.
Tá duais na bliana seo tiomnaithe do chuimhne an Dr Shimrit Perkol-Finkel, bitheolaí mara iontach agus fiontraí aislingeach, a fuair bás go tragóideach níos luaithe an mhí seo.
Tá beagán níos mó ná 3 mhí ag iarrthóirí anois chun iarratas a dhéanamh, faoin 30 Meitheamh 2021 (17:00 Am Lár na hEorpa). Déanfar meastóireachtaí idir mí Iúil agus mí Dheireadh Fómhair, agus fógrófar na buaiteoirí ag deireadh na bliana.
Is féidir leat cuairt a thabhairt ar an suíomh gréasáin seo chun tuilleadh eolais a fháil, agus cuntas Twitter @EUScienceInnov a leanúint, leis an haischlib #WIPrizeEU.