Uirlis Sceithire an Ghnímh um an Intleacht Shaorga

Tá ról ríthábhachtach ag sceithirí maidir le sáruithe féideartha ar an dlí a shainaithint a d’fhéadfadh cearta bunúsacha, sláinte nó muinín an phobail a chur i mbaol, agus a d’fhéadfadh a bheith gan bhrath murach sin. Trí sháruithe féideartha a thuairisciú, is féidir le sceithirí tacú leis an Oifig um Intleacht Shaorga iad a bhrath go luath, agus ar an gcaoi sin rannchuidiú le forbairt shábháilte thrédhearcach teicneolaíochtaí intleachta saorga.

Le hUirlis Sceithirí an Ghnímh um an Intleacht Shaorga, arna seoladh ag an Oifig um Intleacht Shaorga, ceadaítear do dhaoine aonair atá nasctha go gairmiúil le soláthraithe samhlacha intleachta saorga ilchuspóireacha nó le soláthraithe córas intleachta saorga a thagann faoi shainchúram forfheidhmithe na hOifige um Intleacht Shaorga cleachtais dhíobhálacha nó sáruithe eile ar an nGníomh um an Intleacht Shaorga a thuairisciú. Is féidir leat do thuarascáil a chur isteach go hanaithnid in aon cheann de theangacha an Aontais mar aon le doiciméid tacaíochta trí úsáid a bhaint as an mbosca isteach slán san uirlis. Cuireann an bosca isteach ar chumas sceithirí freisin fanacht cothrom le dáta maidir le dul chun cinn a dtuairisce, ceisteanna leantacha a fhreagairt agus iad fós anaithnid.

In éineacht leis an uirlis shlán, tá an Oifig um Intleacht Shaorga tiomanta d’ardchaighdeán rúndachta agus tá nósanna imeachta inmheánacha doiciméadaithe aici chun féiniúlachtaí na sceithirí cosanta a uasmhéadú.

Ag an am céanna, próiseálann Uirlis Ghearán an Ghnímh um an Intleacht Shaorga gearáin a bhaineann le sáruithe líomhnaithe ar an nGníomh um an Intleacht Shaorga ag soláthraithe córas intleachta saorga faoi raon feidhme chumhachtaí forfheidhmiúcháin na hOifige um Intleacht Shaorga .