L-att Ewropew dwar il-Libertà tal-Media se jkollu l-għan li jistabbilixxi qafas komuni għall-avvanz tas-suq intern fis-settur tal-media, u b’hekk jissalvagwardja l-libertà u l-pluraliżmu tal-media f’dak is-suq. Dan se jikkomplementa l-qafas tal-media eżistenti tal-UE u jikkontribwixxi għall-isforzi tal-UE fit-trawwim, il-protezzjoni u t-tisħiħ tad-demokrazija tagħna.
F’dan il-kuntest, qed niġbru fehmiet u għarfien dwar il-problemi attwali u emerġenti wara l-inizjattiva permezz ta’ sejħa għal evidenza. Is-sejħa għal evidenza se tiġbor ukoll fehmiet dwar approċċi ta’ politika, għażliet u impatti possibbli. Iċ-ċittadini, in-negozji (b’mod partikolari l-atturi tal-media), l-akkademiċi, is-soċjetà ċivili, l-awtoritajiet pubbliċi, u l-partijiet interessati kollha huma mistiedna jaqsmu l-fehmiet tagħhom sal-25 ta’ Marzu 2022.
Fil-bidu tal-2022 se tiġi ppubblikata konsultazzjoni pubblika miftuħa.