iStock Photo Getty Images +
Il-Kummissjoni tħabbar il-prijoritajiet ta’ infurzar tagħha, filwaqt li tappella għal kooperazzjoni u koordinazzjoni msaħħa fost l-awtoritajiet rilevanti kollha. Din il-kooperazzjoni għandha tiżgura li l-prodotti importati li jintbagħtu direttament lill-konsumaturi permezz tal-kummerċ elettroniku jikkonformaw mar-regoli tal-UE u mal-prattiki kummerċjali ġusti.
Biex jintlaħaq dan l-għan, il-Kummissjoni tistieden lill-Istati Membri u lill-awtoritajiet kompetenti tagħhom biex ikollhom rwol proattiv fil-monitoraġġ u fl-implimentazzjoni tal-azzjonijiet ewlenin deskritti f’din il-Komunikazzjoni.
Barra minn hekk, il-Kummissjoni tistabbilixxi miżuri biex l-awtoritajiet doganali u tas-sorveljanza tas-suq isiru aktar reżiljenti u effettivi, b’mod partikolari permezz ta’ implimentazzjoni avvanzata tar-Riforma tal-Unjoni Doganali, peress li din tneħħi l-eżenzjoni mid-dazju għal kunsinni ta’ valur baxx u ttejjeb il-kapaċitajiet ta’ kontroll, kif ukoll permezz ta’ tariffa amministrattiva mhux diskriminatorja possibbli għall-merkanzija importata kkonsenjata direttament lill-konsumaturi.
Il-Kummissjoni tistieden lill-partijiet ikkonċernati istituzzjonali u tas-suq biex jikkollaboraw f’dan l-isforz.
Aqra aktar dwar ir-regoli tal-kummerċ elettroniku fl-UE.