
AdobeStock © Prostock studio
L-Att dwar il-Governanza tad-Data jiffaċilita l-kondiviżjoni tad-data bejn is-setturi u l-pajjiżi tal-UE għall-benefiċċju taċ-ċittadini u tan-negozji. Dan iżid il-fiduċja fil-kondiviżjoni tad-data billi jistabbilixxi regoli għan-newtralità tal-intermedjarji tad-data li jgħaqqdu lill-individwi u lill-kumpaniji mal-utenti tad-data.
Il-Kummissjoni bagħtet liċ-Ċekja, lill-Ġermanja, lill-Estonja, lill-Greċja, lil Ċipru, lil-Lussemburgu, lill-Awstrija, lill-Polonja, lill-Portugall u lis-Slovenja ittra ta’ intimazzjoni fit-23 ta’ Mejju 2024.
Filwaqt li xi Stati Membri nnotifikaw lill-Kummissjoni dwar il-ħatra tal-awtoritajiet responsabbli, l-ebda wieħed minnhom ma tahom is-setgħa sħiħa li jaġixxu u jimplimentaw l-Att dwar il-Governanza tad-Data. Għalhekk, il-Kummissjoni ddeċidiet li tibgħat opinjoni motivata lil dawk l-Istati Membri, li issa għandhom xahrejn biex iwieġbu u jieħdu l-miżuri meħtieġa. Inkella, il-Kummissjoni tista’ tiddeċiedi li tressaq il-każijiet quddiem il-Qorti tal-Ġustizzja tal-Unjoni Ewropea.