Id-DSA kien jirrikjedi li l-Istati Membri jaħtru u jagħtu s-setgħa lil DSC sas-17 ta’ Frar 2024 biex jiggarantixxu superviżjoni u infurzar effettivi tar-regoli tiegħu. L-Istati Membri huma meħtieġa wkoll jagħtu s-setgħa lid-DSCs tagħhom biex ikunu jistgħu jwettqu l-kompiti tagħhom skont id-DSA, u jistabbilixxu regoli dwar il-penali applikabbli għall-ksur ta’ dak ir-Regolament. Id-DSCs huma essenzjali fis-superviżjoni u l-infurzar tar-regoli tad-DSA u fl-iżgurar tal-applikazzjoni uniformi ta’ dak ir-Regolament madwar l-Unjoni, b’ħidma f’kooperazzjoni mal-Kummissjoni. Il-Polonja naqset milli taħtar u tagħti s-setgħa lil DSC biex twettaq il-kompiti tagħha skont id-DSA. Għalkemm iċ-Ċekja, Ċipru, Spanja u l-Portugall ħatru DSC kull wieħed, huma naqsu milli jafdawhom bis-setgħat meħtieġa biex iwettqu l-kompiti tagħhom skont id-DSA. Id-DSA jirrikjedi wkoll li l-Istati Membri jistabbilixxu r-regoli dwar il-penali applikabbli għall-ksur ta’ dak ir-Regolament, li l-Istati Membri kollha msemmija hawn fuq naqsu milli jagħmlu. Billi l-Istati Membri ma ħadux il-miżuri meħtieġa, il-Kummissjoni ddeċidiet li tressaq lill-Istati Membri quddiem il-Qorti tal-Ġustizzja tal-Unjoni Ewropea.
Aktar informazzjoni dwar: