Dawn iż-żewġ azzjonijiet jikkontribwixxu għat-twettiq tal-Pjan ta’ Azzjoni tal-UE dwar is-Sigurtà tal-Kejbils, jappoġġaw is-sigurtà u r-reżiljenza tad-data sottomarina kritika u l-kejbils tal-enerġija tal-Ewropa, u jsaħħu l-kapaċità kollettiva tagħna li nimmonitorjaw, nidentifikaw u nirreaġixxu għat-theddid immirat lejn l-infrastruttura kritika taħt il-baħar.
Il-Viċi President Eżekuttiv għas-Sovranità Teknoloġika, is-Sigurtà u d-Demokrazija, Henna Virkkunen, qalet:
Bl-ewwel ċentri reġjonali tal-kejbils fil-Baħar Baltiku u fil-Mediterran, u l-finanzjament għall-kapaċitajiet tat-tiswija tal-kejbils, l-Ewropa qed timxi lejn kapaċitajiet imtejba. Qed insaħħu l-kapaċità tagħna li nidentifikaw it-theddid, naġixxu aktar malajr u nirreaġixxu flimkien. Din hija l-Ewropa li tinvesti fis-sigurtà, ir-reżiljenza u s-sovranità tagħha stess. Il-proposti għaż-żewġ ċentri huma ambizzjużi u jirriflettu impenn ċar mill-Istati Membri involuti biex jiżguraw kooperazzjoni akbar fid-dawl ta’ realtajiet ġodda tas-sigurtà.
Aqra l-istqarrija għall-istampa sħiħa.