GettyImages © microgen
Ir-Rakkomandazzjoni tħeġġeġ lill-Istati Membri, lid-detenturi tad-drittijiet, lill-fornituri tas-servizzi intermedjarji u lil atturi oħra tas-suq biex jieħdu azzjoni kontra t-trażmissjoni mill-ġdid mhux awtorizzata ta’ avvenimenti diretti, filwaqt li jiggarantixxu s-salvagwardji meħtieġa biex jipproteġu d-drittijiet fundamentali, f’konformità sħiħa mad-dritt tal-UE.
Kif previst fir-Rakkomandazzjoni, il-Kummissjoni jeħtieġ li tivvaluta l-effetti tar-Rakkomandazzjoni sas-17 ta’ Novembru 2025. Il-Kummissjoni qed timmonitorja dawn l-effetti, bl-appoġġ tal-Osservatorju tal-Uffiċċju tal-Proprjetà Intellettwali tal-Unjoni Ewropea (“EUIPO”). L-objettiv ta’ din is-Sejħa għal Evidenza huwa li tgħin lill-Kummissjoni tiġbor aktar evidenza dwar l-effetti tal-miżuri proposti fir-Rakkomandazzjoni u l-ħtieġa possibbli għal kwalunkwe miżura ulterjuri.
Il-perjodu biex jingħata feedback huwa miftuħ sal-4 ta’ Ġunju 2025.