Il-Kummissjoni tniedi strateġija biex l-Ewropa ssir mexxejja tal-Kwantum sal-2030

L-Istrateġija se trawwem ekosistema kwantistika reżiljenti u sovrana li tixpruna t-tkabbir tan-negozji ġodda u tittrasforma x-xjenza rivoluzzjonarja f’applikazzjonijiet lesti għas-suq, filwaqt li żżomm it-tmexxija xjentifika tal-Ewropa.

It-teknoloġiji kwantistiċi se jirrivoluzzjonaw l-indirizzar ta’ sfidi kumplessi, minn skoperti farmaċewtiċi sal-iżgurar ta’ infrastruttura kritika. Huma ser jiftħu opportunitajiet ġodda għall-kompetittività industrijali u s-sovranità teknoloġika tal-UE, b'potenzjal qawwi ta' użu doppju għad-difiża u s-sigurtà. Sal-2040, is-settur huwa mistenni li joħloq eluf ta’ impjiegi b’ħiliet għolja madwar l-UE u jaqbeż valur globali ta’ EUR 155 biljun.

L-Istrateġija għandha fil-mira ħames oqsma: ir-riċerka u l-innovazzjoni, l-infrastrutturi kwantistiċi, it-tisħiħ tal-ekosistema, it-teknoloġiji spazjali u b’użu doppju, u l-ħiliet kwantistiċi.

Aqra l-istqarrija għall-istampa sħiħa.

Sib aktar informazzjoni:

• Komunikazzjoni dwar l-Istrateġija Kwantistika Ewropa
• Skeda informattiva