GettyImages © Andrey Suslov
Dawn il-Fabbriki tal-IA se joħolqu ekosistema Ewropea b’saħħitha għat-taħriġ ta’ mudelli avvanzati tal-IA u għall-iżvilupp ta’ soluzzjonijiet tal-IA. Dawn se jinbnew madwar in-network ta’ klassi dinjija tal-UE ta’ superkompjuters tal-Computing ta’ Prestazzjoni Għolja Ewropew (HPC) u se jiġbru flimkien l-ingredjenti ewlenin għas-suċċess fl-IA: il-qawwa komputazzjonali, id-data u t-talent. Il-Fabbriki tal-IA se jżidu b’mod sostanzjali l-qawwa komputazzjonali disponibbli għall-IA fl-Ewropa. Dawn se jkunu interkonnessi u disponibbli għan-negozji ġodda, għall-industrija u għar-riċerkaturi Ewropej tal-IA.
Is-seba’ proposti ppreżentati b’kollox minn 15-il Stat Membru u żewġ stati parteċipanti assoċjati juru interess qawwi ħafna f’din l-inizjattiva importanti. Ġew ippreżentati proposti għall-bini ta’ Fabbrika tal-IA madwar superkompjuter eżistenti jew ġdid adattat għall-ħtiġijiet tal-IA mill-Finlandja (flimkien mal-parteċipazzjoni taċ-Ċekja, tad-Danimarka, tal-Estonja, tan-Norveġja u tal-Polonja), mil-Lussemburgu, mill-Iżvezja, mill-Ġermanja, mill-Italja (flimkien mal-parteċipazzjoni tal-Awstrija u tas-Slovenja), minn Spanja (flimkien mal-parteċipazzjoni tal-Portugall, tar-Rumanija u tat-Turkija) u mill-Greċja.
Il-proposti mressqa issa se jiġu evalwati minn bord indipendenti ta’ esperti. L-Impriża Konġunta EuroHPC tistenna li tħabbar l-għażla tal-ewwel Fabbriki tal-IA f’Diċembru 2024 u tniedihom ftit wara.
Minbarra l-proposti ta’ hawn fuq, Ċipru u s-Slovenja ppreżentaw ittri ta’ interess biex jingħaqdu jew joħolqu Fabbrika tal-IA fi stadju aktar tard. Id-data ta’ skadenza li jmiss għall-proposti sussegwenti hija l-1 ta’ Frar 2025.
L-UE issa hija pass eqreb lejn it-twaqqif tal-ewwel Fabbriki tal-IA fil-bidu tal-2025, kif imħabbar fil-linji gwida politiċi tal-President tal-Kummissjoni Ursula von der Leyen.
Sib aktar informazzjoni: