Istituto Nazionale di Fisica Nucleare fl-Italja jikkoordina t-tim ta’ 19 benefiċjarju li ġejjin minn 11 Stat Membru tal-UE, l-Iżvizzera u l-Moldova. Illum, il-Kummissjoni nediet ukoll żewġ proġetti biex tappoġġa l-edukazzjoni diġitali, b’valur sa EUR 1 miljun kull wieħed, permezz ta’ Orizzont 2020. L-ewwel proġett, Mensi, jiffoka fuq il-mentoraġġ għat-titjib tal-iskejjel u se jibqa’ għaddej sa Frar 2023. Mensi għandha l-għan li timmobilizza 120 skola fi 6-il Stat Membru (il-Belġju, iċ-Ċekja, il-Kroazja, l-Italja, l-Ungerija, il-Portugall) u r-Renju Unit biex tavvanza l-innovazzjoni diġitali, b’mod partikolari fi skejjel żgħar jew rurali u għal studenti soċjalment żvantaġġati. It-tieni proġett, iHub4Schools, se jibqa’ għaddej sa Ġunju 2023 u se jaċċellera l-innovazzjoni diġitali fl-iskejjel bis-saħħa tal-ħolqien ta’ ċentri ta’ innovazzjoni reġjonali u mudell ta’ mentoraġġ. Se jipparteċipaw 600 għalliem f’ 75 skola u ċ-ċentri se jiġu stabbiliti f’ 5 pajjiż (l-Estonja, il-Litwanja, il-Finlandja, ir-Renju Unit, il-Georgia). L-Italja u n-Norveġja se jibbenefikaw ukoll mill-iskema ta’ mentoraġġ.