Huma se jesploraw kif il-politiki u l-programmi tal-UE jistgħu jipproteġu aħjar liż-żgħażagħ.
Dan il-Pjan ta’ Azzjoni se jappoġġa lill-Istati Membri, b’enfasi fuq il-minorenni u ż-żgħażagħ, li huma partikolarment affettwati minn din il-problema. Għad hemm numri li jikkonċernaw: madwar 1 minn kull 6 adoloxxenti esperjenzaw bullying ċibernetiku, u 1 minn kull 8 jammettu li jinvolvu ruħhom fih.
Flimkien ma’ bosta miżuri fil-livell nazzjonali, l-UE diġà stabbiliet mekkaniżmi biex tippromwovi s-sikurezza u l-benesseri diġitali taż-żgħażagħ, inkluż permezz tal-istrateġija Internet Aħjar għat-Tfal (BIK+) u l-linji gwida tal-Att dwar is-Servizzi Diġitali (DSA)dwar il-protezzjoni tal-minorenni. F’Lulju, il-Kummissjoni nediet ukoll konsultazzjoni pubblika biex tgħin fl-iżvilupp tal-Pjan ta’ Azzjoni, filwaqt li stiednet liż-żgħażagħ, lill-awtoritajiet, lill-edukaturi, lis-soċjetà ċivili, lill-pjattaformi online, u lill-industrija biex jaqsmu l-esperjenzi u l-perspettivi tagħhom. B’mod parallel, qed jitwettqu konsultazzjonijiet mat-tfal permezz tal-Pjattaforma tal-UE għall-Parteċipazzjoni tat-Tfal.
Iż-żewġ konsultazzjonijiet se jibqgħu miftuħa sad-29 ta’ Settembru 2025 u jistgħu jiġu aċċessati fuq il-portal Semma’ Leħnek u l-Pjattaforma tal-UE għall-Parteċipazzjoni tat-Tfal.