Filwaqt li tibni fuq aktar minn żewġ deċennji ta’ kollaborazzjoni mill-qrib, is-sħubija se ssaħħaħ il-kooperazzjoni bejn l-UE u l-Brażil dwar prijoritajiet diġitali kondiviżi, inklużi l-governanza tad-data, l-intelliġenza artifiċjali, l-infrastruttura u l-konnettività diġitali, il-pjattaformi online, u l-beni u s-servizzi pubbliċi diġitali.
Is-Sħubijiet Diġitali huma strument ewlieni tal-politika diġitali esterna tal-UE, li jippermettu kooperazzjoni strutturata ma’ pajjiżi tal-istess fehma dwar prijoritajiet kondiviżi.
Il-ftehim se jiġi ffirmat mill-Viċi President Eżekuttiv tal-Kummissjoni Ewropea għas-Sovranità Teknoloġika, is-Sigurtà u d-Demokrazija, Henna Virkkunen, u s-Segretarju tal-Brażil għall-Promozzjoni tal-Kummerċ, ix-Xjenza, it-Teknoloġija, l-Innovazzjoni u l-Kultura, Alex Giacomelli da Silva.
Wara l-iffirmar tas-Sħubija Diġitali, se jiġi ffirmat ftehim amministrattiv mis-servizzi tal-Kummissjoni u mill-Agência Nacional de Proteção de Dados tal-Brażil, biex tissaħħaħ il-kooperazzjoni dwar il-protezzjoni tal-minorenni online.
Permezz ta’ din is-sħubija, l-UE u l-Brażil se jżidu l-isforzi konġunti biex jippromwovu ktajjen tal-provvista globali effiċjenti u reżiljenti u jikkontribwixxu għal sistema inklużiva u bbażata fuq ir-regoli ta’ governanza diġitali globali. Dawn se jkollhom l-għan li jiżguraw li l-benefiċċji tal-progress teknoloġiku jiġu kondiviżi b’mod aktar ekwu globalment.
Aqra l-istqarrija għall-istampa sħiħa.
Aqra aktar informazzjoni dwar is-Sħubijiet Diġitali tal-UE.