iStock GettyImages - 1333245117 © Andrey Suslov
Il-Fabbriki tal-IA se jinħolqu madwar in-network ta’ klassi dinjija tal-UE ta’ superkompjuters tal-Computing ta’ Prestazzjoni Għolja Ewropew (HPC) u se jkunu disponibbli għal firxa ta’ utenti Ewropej, bħal negozji ġodda, l-industrija u r-riċerkaturi.
Il-President tal-Kummissjoni, Ursula von der Leyen qalet:
“L-Ewropa diġà qed twitti t-triq bl-Att tal-UE dwar l-IA, filwaqt li tiżgura li l-IA tkun aktar sikura u affidabbli. Aktar kmieni din is-sena, wettaqna l-wegħda tagħna billi ftaħna l-kompjuters ta’ prestazzjoni għolja tagħna għan-negozji ġodda Ewropej tal-IA. Issa, l-Ewropa trid issir ukoll mexxejja globali fl-innovazzjoni tal-IA. Il-Fabbriki tal-IA se jgħinu biex tiġi żgurata l-pożizzjoni tagħna fuq quddiem nett ta’ din it-teknoloġija trasformattiva.”
Il-Fabbriki tal-IA se jiġbru flimkien l-ingredjenti ewlenin għas-suċċess fl-IA: il-qawwa komputazzjonali, id-data u t-talent. Dawn se jgħinu lill-iżviluppaturi tal-IA jħarrġu l-mudelli ġenerattivi kbar tagħhom tal-IA billi jużaw is-supercomputers tal-EuroHPC u jipprovdu aċċess għas-servizzi tad-data, tal-computing u tal-ħżin. Il-Fabbriki se jkunu f’network madwar l-Ewropa, u se jipprovdu qafas kollaborattiv Ewropew uniku tal-IA.
Aqra l-istqarrija għall-istampa sħiħa.
Għal aktar informazzjoni: