iStock photo Getty images plus
Dan l-eżerċizzju ġie organizzat fil-qafas tan-Network Ewropew ta’ Organizzazzjoni ta’ Kollegament f’każ ta’ Ċiberkriżijiet, jew “EU-CyCLONe”.
In-network CyCLONe tal-UE jikkontribwixxi għall-implimentazzjoni tal-Pjan ta’ Azzjoni tal-Kummissjoni għal rispons rapidu ta’ emerġenza f’każ ta’ inċident jew kriżi ċibernetika transfruntiera fuq skala kbira. Dan jikkomplementa l-istrutturi eżistenti taċ-ċibersigurtà fil-livell tal-UE billi jorbot il-kooperazzjoni fil-livell tekniku, permezz tat-Tim ta’ Rispons għal Inċidenti relatati mas-Sigurtà tal-Kompjuters, u l-livell politiku, pereżempju permezz tar-Rispons Politiku Integrat f’Sitwazzjonijiet ta’ Kriżi, il-mekkaniżmu tal-UE ta’ rispons għall-kriżijiet li jappoġġa t-teħid ta’ deċiżjonijiet rapidu u kkoordinat fil-livell politiku għal kriżijiet kbar u kumplessi.
Barra minn hekk, il-parteċipanti ddiskutew kwistjonijiet strateġiċi ta’ politika ċibernetika, b’mod partikolari, kif jissawwar qafas koerenti għall-ġestjoni tal-kriżijiet fil-livell tal-UE.
In-network CyCLONe tal-UE, li tnieda fl-2020, ġie stabbilit formalment mid-Direttiva dwar miżuri għal livell għoli komuni ta’ ċibersigurtà madwar l-Unjoni (id-Direttiva NIS2) f’Jannar 2023.
Aktar informazzjoni dwar l-istrateġija taċ-ċibersigurtà tal-UE