Ir-regoli attwali jridu jiġu aġġornati biex jinħolqu l-kundizzjonijiet għall-operaturi biex jinvestu fl-introduzzjoni ta’ networks avvanzati tal-fibra u mobbli. In-networks b’kapaċità għolja jippermettu teknoloġija innovattiva, bħall-Intelliġenza Artifiċjali u l-Cloud. Id-disponibbiltà mifruxa ta’ konnettività avvanzata għan-nies u għan-negozji madwar l-UE hija l-pedament tal-kompetittività tal-Ewropa.
Henna Virkkunen, il-Viċi President Eżekuttiv għas-Sovranità Teknoloġika, is-Sigurtà u d-Demokrazija, qalet:
“L-innovazzjoni Ewropea tibda b’Ewropa verament konnessa. Infrastruttura diġitali reżiljenti ta’ prestazzjoni għolja hija essenzjali fit-tisħiħ tat-tmexxija tal-Ewropa fl-innovazzjoni, il-kompetittività u s-sovranità diġitali. Il-konnettività avvanzata u aċċessibbli se tippermetti lin-negozji ġodda jisfruttaw il-potenzjal tal-IA, tippermetti lit-tobba jieħdu ħsieb il-pazjenti mill-bogħod, malajr u b’mod sikur. L-għan tagħna huwa ambjent diġitali fejn it-teknoloġiji l-ġodda jkunu faċilment disponibbli, affordabbli, u bbażati fuq regoli ġusti u affidabbli li jkunu ta’ benefiċċju għan-nies.”
Aqra l-istqarrija għall-istampa sħiħa.
Sib aktar informazzjoni: