@Gettyimages
L-ewwel sejħa b’valur ta’ EUR 8 miljun tiffoka fuq l-istabbiliment jew l-espansjoni ta’ Ċentri tal-Media Ewropej, bħal kmamar tal-aħbarijiet transfruntiera virtwali jew fiżiċi. Se tappoġġa l-iżvilupp ta’ produzzjoni editorjali konġunta u offerti komuni ta’ kontenut dwar l-affarijiet Ewropej, f’diversi lingwi, bejn organizzazzjonijiet tal-midja differenti madwar l-Ewropa, filwaqt li tirrispetta bis-sħiħ l-indipendenza editorjali.
Is-sejħa tal-Pjattaformi Ewropej tal-Media, b’valur ta’ EUR 6 miljun, se tgħin lill-organizzazzjonijiet tal-media jżidu l-firxa tagħhom, u għandha l-għan li tistimula l-produzzjoni ta’ kontenut tal-aħbarijiet innovattiv permezz ta’ għodod li jużaw teknoloġiji bħall-intelliġenza artifiċjali, il-web 3, il-blockchain, kif ukoll magni tat-tiftix sofistikati u algoritmi ta’ rakkomandazzjoni tal-kontenut.
It-tielet proġett, b’valur ta’ EUR 2.5 miljun, se jikkontribwixxi għall-ħolqien ta’ portal Ewropew tal-istreaming li jiffaċilita l-aċċess tan-nies għal kontenut divers ipprovdut minn xandara pubbliċi u privati. Se tuża wkoll għodod tal-intelliġenza artifiċjali u tħejji t-triq lejn esperjenzi ta’ wiri aktar immersivi u kondiviżi.
Dawn is-sejħiet isegwu l-Pjan ta’ Azzjoni Medjatiku u Awdjoviżiv u l-Pjan ta’ Azzjoni għad-Demokrazija Ewropea. Dawn huma miftuħa għall-organizzazzjonijiet tal-media tal-aħbarijiet u għax-xandara, kif ukoll għal organizzazzjonijiet oħra fis-settur tal-media. Aktar informazzjoni, inklużi l-iskadenzi għall-applikazzjonijiet, hija disponibbli għal kull sejħa individwali.
Aktar Informazzjoni:
Opportunitajiet ta’ finanzjament tal-UE għas-settur tal-media tal-aħbarijiet