iStock Photo Getty Images +
Il-Fabbriki tal-IA se jikkonsistu f’superkompjuters tal-IA ddedikati li se jippermettu tagħlim awtomatiku rapidu, b’mod partikolari għat-taħriġ ta’ mudelli tal-IA bi Skop Ġenerali (GPAI), li jirrikjedu kapaċità informatika sinifikanti.
Din l-emenda hija parti minn pakkett usa' dwar l-innovazzjoni tal-IA ppreżentat f'Jannar. Dan jippermetti lill-Impriża Konġunta EuroHPC takkwista, taġġorna u topera fabbriki tal-IA li se jtejbu l-aċċess għas-supercomputers Ewropej għall-utenti xjentifiċi u tal-industrija, u b’mod partikolari għan-negozji ġodda u l-SMEs tal-IA. Il-Fabbriki tal-IA se joffru punt uniku ta’ servizz għan-negozji ġodda u għall-innovaturi u jippermettu l-iżvilupp ta’ mudelli b’saħħithom tal-GPAI biex jirfdu varjetà ta’ applikazzjonijiet emerġenti tal-IA. Dawn se jkollhom ukoll rwol ewlieni biex jagħtu spinta lill-eċċellenza Ewropea fl-IA u biex jiżguraw li l-Ewropa tkun minn ta’ quddiem fl-avvanzi globali, filwaqt li jiżguraw innovazzjoni responsabbli u etika.
Il-fabbriki tal-IA huma mistennija li jiġu varati fl-2025.
Sib aktar informazzjoni fuq il-paġna web tal-EuroHPC.