Proposta għal Regolament tal-Parlament Ewropew u tal-Kunsill dwar roaming fuq netwerks pubbliċi ta’ komunikazzjoni mobbli fi ħdan l-Unjoni

Ir-Regolament (UE) Nru 531/2012 jiskadi fit-30 ta’ Ġunju 2022, u għalhekk din il-proposta għandha l-għan li testendi l-iskadenza u fl-istess ħin taġġusta t-tariffi massimi bl-ingrossa biex tkun żgurata s-sostenibbiltà tal-forniment ta’ servizzi tar-roaming bl-imnut bi prezzijiet domestiċi, tintroduċi miżuri ġodda li jżidu t-trasparenza, u tiżgura esperjenza ġenwina ta’ “roaming daqslikieku f’pajjiżek” mil-lat ta’ kwalità tas-servizz u aċċess għas-servizzi ta’ emerġenza waqt ir-roaming.