L-għan ta’ din il-konsultazzjoni mmirata huwa li jinġabru informazzjoni u data dwar id-disponibbiltà ta’ ċerti xogħlijiet protetti bid-drittijiet tal-awtur, b’mod partikolari xogħlijiet għajr xogħlijiet stampati (eż. films, ritratti jew mużika), għall-persuni b’diżabilità. Il-Kummissjoni qed twettaq dan l-eżerċizzju bħala parti mit-tħejjija għal rapport previst mill-Artikolu 9 tad-Direttiva (UE) 2017/1564 “Marrakexx”. Il-konsultazzjoni hija mmirata lejn persuni b’diżabilità u organizzazzjonijiet li jaġixxu f’isimhom, id-detenturi tad-drittijiet, il-produtturi tal-kontenut, id-distributuri, il-fornituri tas-servizzi, ix-xandara u l-istituzzjonijiet edukattivi.
Tista’ tipprovdi l-feedback tiegħek billi timla l-kwestjonarju online sal-Ġimgħa, 30 ta’ April 2021. Il-konsultazzjoni mmirata hija disponibbli bl-EU Survey, f’format aċċessibbli wkoll, fi tliet lingwi (l-Ingliż, il-Franċiż u l-Ġermaniż) iżda tista’ twieġeb bi kwalunkwe lingwa uffiċjali tal-UE.
