Bejn l-2018 u l-2020, l-inizjattiva WiFi4EU qassmet 8,802 vawċer f’ 30 pajjiż parteċipant. Il-vawċers, kull wieħed jiswa EUR 15,000, għandhom jintużaw biex jiġi installat tagħmir tal-Wi-Fi fi spazji pubbliċi jew biex jiġi aġġornat netwerk eżistenti. Ir-rispons mill-muniċipalitajiet għas-sejħiet għall-applikazzjonijiet tal-WiFi4EU mar lil hinn mill-aspettattivi: fl-erba’ sejħiet kollha, id-domanda qabżet sew l-għadd ta’ vawċers disponibbli. Minn bliet kapitali u bliet kbar f’żoni industrijalizzati għal irħula żgħar f’reġjuni rurali u territorji tal-UE madwar id-dinja, WiFi4EU laħaq firxa wiesgħa ta’ komunitajiet differenti u għandu rwol ċentrali fit-tnaqqis tad-distakk diġitali.
Fittex il-WiFi4EU u ibqa’ konness!