Sa dara doiciméad inmheánach oibre seo, tugtar forléargas ar stádas reatha na spásanna coiteanna sonraí Eorpacha. Ar an gcéad dul síos, tugtar an t-eolas is déanaí maidir le creat reachtach cumasúcháin an Aontais le haghaidh spásanna sonraí. Ó foilsíodh an chéad doiciméad inmheánach oibre, bhí roinnt garspriocanna suntasacha ann — go háirithe teacht i bhfeidhm an Ghnímh um Rialachas Sonraí, glacadh an Ghnímh Sonraí agus glacadh an ghnímh cur chun feidhme maidir le tacair ardluacha sonraí. Ar an dara dul síos, cuirtear i láthair ann staid na himeartha maidir le gníomhaíochtaí tacaíochta an Aontais a bhaineann le spás sonraí, lena n-áirítear tionscnaimh a bhaineann go sonrach le hearnáil agus le fearann, Lárionad Tacaíochta um Spásanna Sonraí (DSSC) agus meánearraí foinse oscailte cliste (Simpl), chomh maith le Cuibhreannais Eorpacha don Bhonneagar Digiteach (EDICanna) ábhartha agus obair leanúnach ar chaighdeáin agus ar idir-inoibritheacht. Ar deireadh, maidir le gach spás coiteann sonraí Eorpach a bhaineann go sonrach le hearnáil nó le réimse ar leith, cuirtear i láthair sa dara SWD an dul chun cinn le dhá bhliain anuas chomh maith leis na príomh-gharspriocanna atá ar na bacáin
Léigh tuilleadh faoi: