This file is licensed under the Creative Commons Attribution-Share Alike 3.0 Unported license.
Bíonn deacrachtaí ag go leor eagraíochtaí baill foirne a aimsiú a bhfuil na scileanna cuí acu chun Cartlannú digiteach/leictreonach a sholáthar go héifeachtach. Cúis amháin a luaitear go minic leis an nganntanas scileanna sin is ea an easpa céimithe a bhfuil oiliúint iomchuí orthu agus a fhágann ollscoileanna agus bunaíochtaí ardoideachais eile. Tá an Tionscnamh um Ríomh-Chartlannú ag obair chun an éagothroime sin a leigheas trí Churaclam Acadúil Ríomh-Chartlannaithe a fhorbairt.
Le cabhair ón bPobal um Ríomh-Chartlannú, tá curaclam tagartha ar leibhéal máistreachta forbartha ag an Tionscnamh um Ríomh-Chartlannú arb é is aidhm dó mic léinn a chumasú le bheith ag obair mar chartlannaithe digiteacha/speisialtóirí caomhantais san earnáil phoiblí nó san earnáil phríobháideach. Is é an rún ná deis a thabhairt do mhic léinn dul i ngleic go criticiúil leis an teicneolaíocht agus leis na teicnící atá chun tosaigh sa ríomh-Chartlannú agus béim ar leith á leagan ar chumas an duine aonair saincheisteanna a bhaineann le hábhair a shainiú, a chur chun feidhme, a mheas agus machnamh a dhéanamh orthu. Is féidir an curaclam a úsáid ina iomláine, nó de rogha air sin, is féidir modúil shonracha a úsáid nuair is gá.
Tá na chéad mhodúil ón gcuraclam seo á dtástáil anois in Ollscoil Eötvös Loránd (ELTE) i mBúdaipeist. Bunaithe in 1635 ag an Ardeaspag Péter Pázmány de Esztergom, is é ELTE an ollscoil is mó san Ungáir. Tá tús curtha ag a Shaotharlann Oidhreachta Digití le déanaí le céim Mháistreachta i ‘Maoirseacht Sonraí’. Tá modúil ón gCuraclam um Chartlannú á n-úsáid chun eilimintí cartlannaithe digiteacha an chúrsa a chruthú.
Chun tuilleadh eolais a fháil faoin gcuraclam a úsáid, téigh i dteagmháil lenár ndeasc chabhrach.