D’fhógair an Coimisiún tacaíocht do thionscadal tábhachtach ar mhaithe le leas na hEorpa i gcoitinne (IPCEI) maidir le Bonneagar agus Seirbhísí Néalríomhaireachta na Chéad Ghlúine Eile an 5 Nollaig 2023. Tugann IPCEI údarú do 7 mBallstát (an Fhrainc, an Ghearmáin, an Ungáir, an Iodáil, an Ísiltír, an Pholainn agus an Spáinn) suas le EUR 1.2 billiún de mhaoiniú poiblí a chur ar fáil — EUR 1.4 billiún breise d’infheistíochtaí príobháideacha a spreagadh — chun tacú le taighde, le forbairt agus le cur in úsáid tionsclaíoch tosaigh nuálaíochtaí Eorpacha i dteicneolaíochtaí néalríomhaireachta agus imeall-teicneolaíochtaí
Leis an Tionscadal Tábhachtach ar mhaithe le Leas na hEorpa i gCoitinne maidir le Bonneagar agus Seirbhísí Néalríomhaireachta na Chéad Ghlúine Eile (IPCEI-CIS), beifear in ann teicneolaíochtaí próiseála sonraí Eorpacha idir-inoibritheacha agus inrochtana a fhorbairt, rud a chumasóidh néal go leanúntas ar fud soláthraithe éagsúla. Is é is aidhm don IPCEI taighde agus forbairt a chumasú chun bogearraí foinse oscailte a fhorbairt lena gceadófaí feidhmchláir fíor-ama agus aga folaigh ísle trí acmhainní ríomhaireachta dáilte gar do na húsáideoirí.
Leis sin, beifear in ann níos mó éifeachtúlachta fuinnimh agus acmhainní a bhaint amach, mar shampla, tríd an ngá atá le méideanna móra sonraí a tharchur chuig freastalaithe néalríomhaireachta láraithe a laghdú agus trí éifeachtúlacht fuinnimh eilimintí bonneagair a fheabhsú. Ina theannta sin, tá bogearraí néalríomhaireachta agus imeall-bhogearra ar cheann de phríomhchumasóirí chlaochlú digiteach an Aontais, lena gcuimsítear na feidhmchláir agus na seirbhísí teicneolaíochta faisnéise uile a úsáideann na gnólachtaí.
Beidh IPCEI-CIS ina phríomhthionscnamh chun an teicneolaíocht is gá a chur ar fáil chun roinnt de spriocanna na Deacáide Digití a bhaint amach, eadhon:
- 75 % de chuideachtaí an Aontais a úsáideann Néal, Intleacht Shaorga nó Mórshonraí; agus
- 10,000 imeall-nóid aeráidneodracha an-slán ar fud na hEorpa faoi 2030.
Leis an teicneolaíocht a eascraíonn as an IPCEI sin, cuirfear dlús le forbairt margaidh Eorpaigh néalríomhaireachta agus imeallríomhaireachta atá idir-inoibritheach i ndáiríre, margadh a dhéileálann le príobháideachas sonraí, cibearshlándáil agus inbhuanaitheacht mar phríomhábhair imní.
Cuideoidh IPCEI freisin leis anStraitéis Eorpach maidir le Sonraía chur i gcrích. Comhlánaíonn sé iarrachtaí reachtacha saGhníomh Sonraílena bhféachtar le deireadh a chur leis na bacainní a chuireann cosc ar úsáideoirí néalríomhaireachta Eorpacha úsáid a bhaint as soláthraithe iolracha nó aistriú eatarthu.
Tacaíonn IPCEI maidir le Néalbhonneagar agus Seirbhísí le réimsí eile d’obair an Choimisiúin freisin. Go háirithe, maidir le spleáchas straitéiseach ar sholáthraithe eachtracha sa néalríomhaireacht agus i dteicneolaíochtaíbogearraía shárú.