Cuirfidh an straitéis feabhas ar dhálaí do ghnólachtaí nuathionscanta nuálacha agus do ghnólachtaí atá i mbun fáis, rud a chumasóidh fás níos tapúla agus níos simplí laistigh den Mhargadh Aonair. Tabharfaidh sé aghaidh ar dhúshláin amhail rochtain ar mhaoiniú, ar mhargaí agus ar thallann, chomh maith le constaicí rialála agus maorlathacha agus ilroinnt an mhargaidh. Éascóidh sé rochtain ar bhonneagar, eolas agus seirbhísí úrscothacha freisin.
Gníomhaíocht shuaitheanta de chuid an Chompáis Iomaíochais is ea Straitéis an Aontais um Ghnólachtaí Nuathionscanta agus um Ghnólachtaí atá i mbun Fáis, a tugadh isteach i mí Eanáir 2025. Beidh bearta inláimhsithe mar thoradh air, lena n-áirítear an Gníomh Eorpach um Nuálaíocht a bheidh ann amach anseo agus stádas dlíthiúil nua ar fud an Aontais, ar a dtugtar an ‘28ú córas’, lena gcuirfear sraith chomhchuibhithe rialacha ar fáil chun cabhrú le cuideachtaí nuálacha fás.
Tá an glao ar fhianaise ar fáil ar thairseach an Choimisiúin ‘Cloisimis uait’ i dteangacha oifigiúla uile an Aontais. Beidh na haighneachtaí ar oscailt go dtí an 17 Márta.