Teachtaireacht maidir le cur chuige Eorpach i leith na hintleachta saorga a chothú

I bhfianaise fhorbairt mhear theicneolaíoch na hintleachta saorga agus comhthéacs beartais domhanda ina bhfuil níos mó agus níos mó tíortha ag infheistiú go mór san intleacht shaorga, ní mór don Aontas gníomhú mar aon ní amháin chun leas a bhaint as an iliomad deiseanna a bhaineann leis an intleacht shaorga agus chun aghaidh a thabhairt ar dhúshláin na hintleachta saorga ar bhealach a sheasfaidh an aimsir. Chun forbairt na hintleachta saorga a chur chun cinn agus chun aghaidh a thabhairt ar na rioscaí arda a d’fhéadfadh a bheith ag baint léi don tsábháilteacht agus do chearta bunúsacha ar an gcaoi chéanna, tá togra le haghaidh creat rialála maidir leis an intleacht shaorga agus plean comhordaithe athbhreithnithe maidir leis an intleacht shaorga á gcur i láthair ag an gCoimisiún.