Tá Glao ar Iarratais seolta ag Ard-Stiúrthóireacht Fuinnimh an Choimisiúin (‘DG ENER’) agus ag Ard-Stiúrthóireacht na Líonraí Cumarsáide, an Ábhair Dhigitigh agus na Teicneolaíochta (‘DG CNECT’) chun comhaltaí den ‘Sainghrúpa um Fhuinneamh Cliste’ (‘SEEG’) [C(2023) 6121] a roghnú.
Leagadh amach cruthú an tSainghrúpa fhoirmiúil sin agus a threoirphrionsabail i bplean gníomhaíochta an Aontais chun an córas fuinnimh a dhigitiú, a foilsíodh i mí Dheireadh Fómhair 2022 [COM(2022) 552 final agus SWD(2022) 341 final].
Ag tógáil ar obair Thascfhórsa na nEangacha Cliste, tá sé d’aidhm ag SEEG cabhrú leis an gCoimisiún maidir le saincheisteanna a bhaineann le claochlú digiteach inbhuanaithe an chórais fuinnimh, agus maidir le réitigh fuinnimh chliste a fhorbairt agus a chur in úsáid lena dtacaítear le spriocanna an aistrithe dhéthaobhaigh agus an aistrithe dhigitigh agus atá ailínithe go straitéiseach leo.
Chun an cuspóir sin a bhaint amach, bunóidh an Coimisiún trí fhoghrúpa faoi SEEG:
- Díríonn an mheitheal ‘Sonraí le haghaidh Fuinnimh’ (‘D4E’), mar a fógraíodh sa Phlean Gníomhaíochta maidir le Digitiú Fuinnimh, ar mholtaí a sholáthar agus malartú dea-chleachtas a éascú maidir le rochtain ar shonraí a bhaineann le fuinneamh, maidir le comhroinnt na sonraí sin agus maidir lena n-athúsáid. Is é an sprioc i ndeireadh na dála tacú leis an gCoimisiún an bunobair a leagan síos le haghaidh spás coiteann sonraí Eorpach le haghaidh fuinnimh;
- Tá sé mar aidhm ag anmeitheal “Cumasú agus Cosaint Tomhaltóirí” rannpháirtíocht agus cumhachtú na dtomhaltóirí a threisiú, rud a chuirfidh ar a gcumas a bheith rannpháirteach go gníomhach sa mhargadh fuinnimh. Féachfaidh siad freisin ar bhealaí ina bhféadfaidh tomhaltóirí tairbhe a bhaint as seirbhísí fuinnimh cliste agus as samhlacha tomhaltais/táirgeachta nuálacha comhchoiteanna, rud a chuideoidh leo fuinneamh a chaomhnú agus billí a laghdú;
- Cuirfidh anmheitheal “Cibearshlándáil” moltaí agus treoir ar fáil don Choimisiún maidir le cibearshlándáil do chórais fuinnimh. Cuimsíonn sé sin meastóireacht a dhéanamh ar iarmhairtí na dtionscnamh reachtach nua sa réimse agus iniúchadh a dhéanamh ar an mbealach is fearr chun aghaidh a thabhairt ar dhúshláin ghaolmhara.
Ba cheart do SEEG fónamh freisin mar ardán inar féidir leis an gCoimisiún, leis na Ballstáit agus le geallsealbhóirí ó na réimsí fuinnimh agus digiteacha, faisnéis agus dea-chleachtais a mhalartú maidir le saincheisteanna fuinnimh chliste.
Beidh an glao ar iarratais do SEEG fós ar oscailt go dtían 6 Samhain 2023.
Cúlra
- Cumarsáid: An córas fuinnimh a dhigitiú — plean gníomhaíochta an Aontais
- Doiciméad Inmheánach Oibre
- Pacáiste na Meán: Plean gníomhaíochta an Aontais maidir leis an gcóras fuinnimh a dhigitiú