Duaiseanna Mórdhúshlán IS bronnta ag an gCoimisiún ar ghnólachtaí nuathionscanta agus FBManna nuálacha Eorpacha IS

Tá an Mórdhúshlán ceaptha chun aitheantas a thabhairt do ghnólachtaí nuathionscanta nuálacha agus do FBManna as straitéisí uaillmhianacha a cheapadh agus as gealltanais a thabhairt samhlacha intleachta saorga ar mhórscála a fhorbairt a chuirfidh buntáiste iomaíoch ar fáil don Eoraip. 

Is iad seo a leanas na buaiteoirí: Tilde (an Laitvia), NLP agus meaisínaistriúchán, Textgain (an Bheilg), gnólacht nuathionscanta IS a chuireann ar chumas cuideachtaí agus rialtas léargais luachmhara a fháil ó shonraí neamhstruchtúrtha, Lingua Custodia (an Fhrainc), cuideachta Fintech a dhéanann speisialtóireacht i bpróiseáil IS/teanga nádúrtha (NLP) le haghaidh airgeadais, agus Unbabel (an Phortaingéil), cuideachta teicneolaíochtaí teanga a bhfuil a ceanncheathrú i Liospóin.

Fuair an Dúshlán 94 thogra.

Roinnfidh na buaiteoirí duais €1 mhilliún san iomlán agus rochtain ar dhá cheann de na sár-ríomhairí is fearr ar domhan san Eoraip, LUMI nó LEONARDO ar feadh 8 milliún uair an chloig.
Úsáidfear an t-am sár-ríomhaireachta sin chun samhlacha nuálacha intleachta saorga ar mhórscála a fhorbairt sna 12 mhí tar éis dhámhachtainí an lae inniu. Táthar ag súil ansin go scaoilfidh na buaiteoirí na samhlacha forbartha faoi cheadúnas foinse oscailte le haghaidh úsáide neamhthráchtála, nó trína dtorthaí taighde a fhoilsiú. 
Is é an tionscadal AI-BOOST, arna mhaoiniú ag an Aontas, a d’eagraigh Mórdhúshlán IS, agus is cuid é de thiomantas an Aontais barr feabhais san intleacht shaorga a chur chun cinn.  

Tá tuilleadh eolais le fáil sa phreaseisiúint EuroHPC.  

Foireann Tilde

Foireann teachtaireachtaí

téacs

Foireann Lingua Custodia

Foireann Unbabel