Tús curtha ag an gCoimisiún le comhairliúchán maidir le hathbhreithniú a dhéanamh ar Ghníomh an Aontais um Chibearshlándáil

D’fhonn athléimneacht an Aontais i gcoinne cibearbhagairtí atá ag dul i méid a neartú, tá ionchur á lorg ag an gCoimisiún chun meastóireacht agus athbhreithniú a dhéanamh ar Ghníomh 2019 um Chibearshlándáil. Léiríonn an tionscnamh seo tiomantas leanúnach an Choimisiúin do rialacha a shimpliú.

Person in a suit sitting at a desk holding holographic circle with a scale surrounded. It is surrounded by smaller circles with symbols a book, a gavel, a computer, a file and graphics. On the desk, there is a balance scale and some documents. — GettyImages © SOMKID THONGDEE

Ar dtús, díreoidh an t-athbhreithniú ar shainordú ENISA, ar chibearghníomhaireacht an Aontais, ar an gCreat Eorpach um Dheimhniú Cibearshlándála, agus ar aghaidh a thabhairt ar dhúshláin slándála sa slabhra soláthair TFC. Is deis é freisin chun rialacha cibearshlándála a shimpliú tuilleadh. Trí oibleagáidí tuairiscithe a chuíchóiriú, is mian leis an gCoimisiún cur chun feidhme a éascú, rómhaorlathas a laghdú, agus timpeallacht atá fabhrach do ghnó a chothú.

Iarrtar ar pháirtithe leasmhara, lena n-áirítear údaráis inniúla na mBallstát, údaráis chibearshlándála, comhlachais tionscail agus trádála, taighdeoirí agus lucht acadúil, eagraíochtaí tomhaltóirí, agus saoránaigh a dtuairimí a thabhairt ar an tairseach Cloisimis uait agus ar Shuirbhé an Aontais go dtí an 20 Meitheamh.

Léigh tuilleadh faoi Ghníomh an Aontais um Chibearshlándáil.

Tús curtha ag an gCoimisiún le comhairliúchán maidir le hathbhreithniú a dhéanamh ar Ghníomh an Aontais um Chibearshlándáil

Last update