Glao chun Clárlann an Fhearainn Barrleibhéil.eu a roghnú

Tar éis an glao roghnúcháin a bhí ann roimhe seo a chur ar ceal, tá nós imeachta roghnúcháin nua á sheoladh ag an gCoimisiún.

Is é is ábhar don ghlao seo Clárlann an fhearainn barrleibhéil.eu (‘TLD’) a roghnú, a gcuirfear de chúram air an TLD arb é.eu a eagrú, a riar agus a bhainistiú, trí nós imeachta roghnúcháin oscailte, trédhearcach agus neamh-idirdhealaitheach.

Tá an TLD.eu ar cheann de na TLDanna is mó le 3.6 milliún clárúchán agus úsáideann institiúidí, gníomhaireachtaí agus comhlachtaí an Aontais é freisin. Is é is cuspóir don TLD.eu cuidiú le féiniúlacht an Aontais a fheabhsú agus luachanna an Aontais a chur chun cinn ar líne, amhail ilteangachas, urraim do phríobháideachas agus slándáil úsáideoirí, urraim do chearta an duine, chomh maith le tosaíochtaí sonracha an Aontais sa réimse digiteach. Is é is aidhm don TLD.eu nasc atá inaitheanta go soiléir a sholáthar leis an Aontas agus leis an Margadh Aonair Eorpach, agus, ag an am céanna, a chur ar chumas gnóthas, eagraíochtaí agus daoine nádúrtha laistigh den Aontas ainm fearainn a chlárú faoin TLD.eu beag beann ar a n-áit chónaithe.

Tugtar an t-eolas go léir ar ghlao sna sonraíochtaí glao.

Eintitis neamhbhrabúis a bheidh sna hiarratasóirí. Ní chuireann an ceanglas seo cosc ar eintitis tráchtála, lena n-áirítear iad siúd atá neamhbhrabúsach, a bheith mar chuid de chuibhreannas gnólachtaí nó de ghrúpa conraitheoirí, fad is nach eagraíocht neamhbhrabúsach í an eagraíocht sin a foirmíodh chun críche ghníomhaíochtaí na Clárlainne.eu. Ní mór do chuibhreannais ar mian leo iarratas a dhéanamh an fhaisnéis atá i sonraíochtaí an ghlao a cheadú.

Tugtar thíos doiciméid eile is gá a líonadh isteach.

Ba cheart ceisteanna a bhaineann leis an nglao seo a sheoladh an 03/05/2021 ar a dhéanaí chuig CNECT-SELECTION-EU-REGISTRY@ec.europa.eu

Féach ar an gcáipéis Ceisteanna Coitianta. Foilseofar na ceisteanna go léir a gheofar agus na freagraí sa doiciméad sin, gan ainm (tuilleadh eolais ar do shonraí pearsanta).

Is féidir breathnú freisin ar an bhFógra a foilsíodh in Iris Oifigiúil 2021/S 041-101582, arna leasú le Fógra 2021/S 045-109187.

DOICIMÉID

1. Cuireadh chun iarratas a dhéanamh (.docx)

2. Glao ar Chlárlann.eu a roghnú (.docx)

3. Conradh lamháltais (.docx)

4. Dearbhú ar onóir (.docx)

5. Foirm aitheantais airgeadais (.pdf)

6. Foirm Eintiteas Dlíthiúil (.pdf)

7. Ráiteas príobháideachais d’Eintiteas Dlíthiúil agus Cuntas Bainc (.pdf)

8. Rialachán AE 2019_517 (.pdf)

9. Rialachán Cur Chun Feidhme 2020_857 ón gCoimisiún (.pdf)

10. Rialachán Tarmligthe ón gCoimisiún 2020_1083 (.pdf)

11. Ceisteanna Coitianta (.pdf) nuashonraithe 7 Bealtaine